నిదుబ్రోలు జెడ్పీహెచ్ఎస్ పాఠశాలను సందర్శించిన డీఈఓ షేక్. సలీం బాషా

 పొన్నూరు మేజర్ న్యూస్:-పొన్నూరు మండల పరిధిలోని నిడుబ్రోలు జిల్లా పరిషత్ ఉన్నత పాఠశాలను (ZPHS) జిల్లా విద్యాశాఖాధికారి (డీఈఓ) షేక్ సలీం భాష  శనివారం ఆకస్మికంగా సందర్శించారు.పాఠశాలలో అమలవుతున్న మధ్యాహ్న భోజన పథకం ( ఎండిఎం ) అమలు తీరును ఆయన పరిశీలించారు. విద్యార్థులకు అందిస్తున్న భోజన నాణ్యతను, వంటశాల పరిశుభ్రతను తనిఖీ చేశారు. ఈ సందర్భంగా సిబ్బందికి పలు సూచనలు చేశారు.అనంతరం 10వ తరగతి విద్యార్థులతో ప్రత్యేకంగా సమావేశమయ్యారు. రాబోయే పబ్లిక్ పరీక్షల్లో ఉత్తమ ఫలితాలు సాధించేందుకు ప్రణాళికాబద్ధంగా చదవాలని, సమయాన్ని సద్వినియోగం చేసుకోవాలని విద్యార్థులకు సూచించారు. విద్యార్థులను ఉత్సాహపరుస్తూ విలువైన సలహాలు అందించారు.  ఈ కార్యక్రమంలో పాఠశాల ప్రధానోపాధ్యాయులు, ఉపాధ్యాయ బృందం పాల్గొన్నారు.

 పొన్నూరు నేటి దినపత్రిక సూర్య రిపోర్టర్ :- శిలార్