andhrapradesh
కారంచేడులో వ్యక్తి మద్యం సేవించి హల్‌ చల్‌
కారంచేడు, మేజర్‌న్యూస్‌ :
కారంచేడు గ్రామంలోని మాధవ స్వామి దేవాలయం బజార్ నందు ఓ వ్యక్తి మత్తు పదార్థాలు సేవించి తాళాలు వేసిన ఇళ్లలోకి వెళ్లడం ఇష్టానుసారం రోడ్ల పైన సంచారం చేస్తుండడంతో ఆ ప్రాంతంలోని ప్రజలు భయాందోళనకు గురవుతున్నారు. మాధవ స్వామి దేవాలయం బజార్లో ఓ ఇంట్లో అద్దెకి ఉంటూ, రాత్రి వేళలో తాళాలు వేసి ఇళ్లలోకి ప్రవేశిస్తున్నాడని అతని వల్ల ఎప్పుడు ఏ ప్రమాదం జరుగుతుందో అని ఆ ప్రాంతంలోని మహిళలు వృద్ధులు ప్రజలు భయాందోళనకు గురవుతున్నారు. అతను మత్తు పదార్థాలు సేవించి చేస్తున్నాడా లేక మానసిక స్థితి ఏదైనా తేడాగా ఉందా, ఇంకేమైనా కారణాలు ఉన్నాయో తెలియాల్సి ఉంది. వ్యక్తిపై చర్యలు తీసుకోవాలని ప్రజలు కోరుతున్నారు.
