అనంతపురం జిల్లాలో దారుణం: పాఠశాలలో విద్యార్థినిపై దుండగుల దాడి

సూర్య ఆంధ్రప్రదేశ్ డెస్క్: అనంతపురం జిల్లాలో తీవ్ర కలకలం రేపిన ఘటన వెలుగు చూసింది. రాప్తాడు పరిధిలోని ఓ పాఠశాలలో పదో తరగతి చదువుతున్న విద్యార్థినిపై దుండగులు అకారణంగా అఘాయిత్యానికి పాల్పడ్డారు. అత్యంత పాశవికంగా బాలిక ముఖంపై రంపంతో దాడి చేయడంతో ఆమెకు తీవ్రగాయాలయ్యాయి.

ఈ దాడిని అడ్డుబోయిన మరో బాలికకు కూడా గాయాలైనట్లు సమాచారం. వెంటనే అప్రమత్తమైన స్థానికులు, పాఠశాల సిబ్బంది బాధితురాలను మెరుగైన చికిత్స నిమిత్తం సమీపంలోని ఆసుపత్రికి తరలించారు. విద్యార్థినిపై జరిగిన ఈ అరాచక ఘటన స్థానికంగా తీవ్ర భయాందోళనలకు, ఆగ్రహావేశాలకు దారితీసింది. సమాచారం అందుకున్న పోలీసులు వెంటనే ఘటనా స్థలానికి చేరుకుని పరిస్థితిని సమీక్షించారు. పరారీలో ఉన్న నిందితుల కోసం గాలింపు చర్యలు ముమ్మరం చేసినట్లు పోలీసులు తెలిపారు. ఈ దారుణానికి సంబంధించిన పూర్తి వివరాలు తెలియాల్సి ఉంది