జడ్పీటీసీ,ఎంపీటీసీ అభ్యర్థులు జోరుగా ప్రచారం..

ములకలచెరువు, మేజర్ న్యూస్, అన్నమయ్య జిల్లా ములకలచెరువు మండలంలోని బురకాయలకోట గ్రామంలో శనివారం టీడీపీ మండల కన్వీనర్ పాలగిరి సిద్ధప్ప ఆధ్వర్యంలో జడ్పిటిసి కూటమి బిజెపి పార్టీ అభ్యర్థిగా పోటీ చేస్తున్న జబ్బల మీనా శ్రీనివాసులు మరియు ఎంపీటీసీ అభ్యర్థి ముత్తుకూరు మౌలాలీ లను  గెలిపించాలని కరపత్రాలు పంచుతూ కూటమి నాయకులు, కార్యకర్తలతో కలిసి ఇంటింటా ప్రచారం నిర్వహించారు. ఈ సందర్భంగా మండల కన్వీనర్ పాలగిరి సిద్ధప్ప మాట్లాడుతూ రాష్ట్రాలు కూటమి ప్రభుత్వం అన్ని విధాల అభివృద్ధి చేస్తోందని, ప్రజలకు ఇచ్చిన హామీలతో పాటు మరిన్ని అభివృద్ధి సంక్షేమ కార్యక్రమాలు ప్రజలకు అందుబాటులోకి తీసుకొచ్చినట్లు తెలిపారు. కూటమి అభ్యర్థిగా బిజెపి పార్టీ తరఫున జడ్పిటిసిగా జబ్బల మీనా ఎంపీటీసీ అభ్యర్థిగా ముత్తుకూరి మౌలాలి గెలిపిస్తే మండలాన్ని అన్ని రంగాలలో అభివృద్ధి చెందుతుందని జడ్పిటిసికి బిజెపి పార్టీ కమలం గుర్తుపై, ఎంపీటీసీకి సైకిల్ గుర్తుపై  ఓట్లు వేసి తనను గెలిపించాలని ఓటర్లను అభ్యర్థించారు. ప్రచారంలో కూటమి నాయకులు గోపాల్ రెడ్డి,విజయ్ కుమార్, చలపతి, అగ్రహారం కాలేశా, కోనేటి రవీంద్ర, సోము, బాబా ఫక్రుద్దీన్, చాంద్బాషా, ప్రతాప్, వేమ నారాయణ, శివన్న, సుధాకర్ నాయుడు, నాగేంద్ర, కార్యకర్తలు పెద్ద సంఖ్యలో పాల్గొన్నారు.

. పి. గౌరి శంకర్, స్టాఫ్ రిపోర్టర్, తంబళ్లపల్లె