ఆపదలో అండగా నిలిచిన స్పీకర్ గడ్డం ప్రసాద్ కుమార్.. బాధితుడికి రూ.లక్ష LOC మంజూరు

వికారాబాద్ జిల్లా ప్రతినిధి, మేజర్ న్యూస్: ఆపదలో ఉన్న నిరుపేద కుటుంబానికి అండగా నిలిచి మానవత్వాన్ని చాటుకున్నారు తెలంగాణ శాసనసభ స్పీకర్, వికారాబాద్ ఎమ్మెల్యే గడ్డం ప్రసాద్ కుమార్. వికారాబాద్ మండలం అనంతగిరిపల్లి గ్రామానికి చెందిన సురేష్, సావిత్రి దంపతుల కుమారుడు శివనాగరాజు అనారోగ్యంతో బాధపడుతూ వైద్య చికిత్స పొందుతున్న విషయం తెలుసుకున్న స్పీకర్ వెంటనే స్పందించారు. బాధిత కుటుంబ ఆర్థిక పరిస్థితిని దృష్టిలో ఉంచుకొని ముఖ్యమంత్రి సహాయ నిధి నుంచి రూ.లక్ష విలువైన ఎల్‌ఓసీ మంజూరయ్యేలా ప్రత్యేక చొరవ తీసుకున్నారు. ఈ సందర్భంగా స్పీకర్ మాట్లాడుతూ శివనాగరాజు త్వరగా కోలుకోవాలని భగవంతుడిని ప్రార్థిస్తున్నానని, తన నియోజకవర్గంలో ఎవరికి కష్టం వచ్చినా అండగా ఉంటానని భరోసా ఇచ్చారు. ప్రజా ప్రభుత్వం బాధిత కుటుంబానికి అన్ని విధాలా అండగా ఉంటుందని తెలిపారు. అత్యవసర సమయంలో స్పందించి తమ కుమారుడి వైద్య చికిత్స కోసం రూ.లక్ష ఎల్‌ఓసీ మంజూరు చేయించిన స్పీకర్ గడ్డం ప్రసాద్ కుమార్‌కు, ముఖ్యమంత్రి రేవంత్ రెడ్డికి సురేష్, సావిత్రి దంపతులు ప్రత్యేక కృతజ్ఞతలు తెలిపారు.