సర్దార్ వల్లభాయ్ పటేల్ జయంతి వేడుకలు 

కృష్ణ సూర్య న్యూస్ :

భారత జాతి ఐక్యతకు ప్రతీక, ఉక్కు మనిషి సర్దార్ వల్లభాయ్ పటేల్ జయంతి వేడుకలను మండలంలోని ముడుమాల్ మండల పరిషత్ ప్రాథమిక పాఠశాలలో శనివారం ఘనంగా నిర్వహించారు. ఈ వేడుకల్లో విద్యార్థులు, ఉపాధ్యాయులు ఉత్సాహంగా పాల్గొని దేశభక్తిని చాటుకున్నారు.

కార్యక్రమంలో భాగంగా పాఠశాల ప్రధానోపాధ్యాయులు, ఉపాధ్యాయ బృందం మరియు విద్యార్థులు సర్దార్ వల్లభాయ్  చిత్రపటానికి పూలమాలలు వేసి ఘనంగా నివాళులర్పించారు.

ఈ సందర్భంగా పాఠశాల ప్రధానోపాధ్యాయులు దండు శేఖర్ మాట్లాడుతూ..  భారత రత్న, దేశ తొలి ఉప ప్రధాని అయిన సర్దార్  దేశ సమైక్యతకు చేసిన సేవలు చిరస్మరణీయమైనవి

అని కొనియాడారు. దేశ విలీనంలో ఆయన చూపిన చొరవను గుర్తుచేస్తూ,  త్యాగాలను, సేవలను ఈ సందర్భంగా స్మరించుకున్నారు. విద్యార్థులంతా చిన్నతనం నుండే దేశ సమైక్యతా భావాలను అలవర్చుకువాలని పిలుపునిచ్చారు.

దేశ భవిష్యత్తు యువత చేతుల్లోనే ఉందని,

బాధ్యతాయుతమైన పౌరులుగా ఎదగాలని,

ఆకాంక్షించారు.

ప్రతి ఒక్క విద్యార్థి దేశ సేవకు  పాటుపడాలని ప్రధానోపాధ్యాయులు పేర్కొన్నారు.

ఈ కార్యక్రమంలో ఉపాధ్యాయులు భారతి, రవికుమార్, పద్మావతమ్మ, మహేశ్వరి, రేణుక, పాఠశాల సిబ్బందితో పాటు విద్యార్థుల తల్లిదండ్రులు , విద్యార్థులు, తదితరులు పాల్గొన్నారు.

నర్సిములు , సూర్య రిపోర్టర్ కృష్ణ మండలం