డయల్ 112 కాల్‌ పై తక్షణమే స్పందించిన ఏలూరు జిల్లా 'శక్తి' టీమ్ -- తీవ్ర అస్వస్థతతో ఉన్న వృద్ధురాలిని ఆసుపత్రికి తరలించి ఆమె కుటుంబ సభ్యులకు సురక్షితంగా అప్పగింత
ఏలూరు మేజర్ న్యూస్ జిల్లా ఎస్పీ కె ప్రతాప్ శివ కిషోర్ ఆదేశాలపై ఆపదలో ఉన్న వారికి అండగా ఏలూరు జిల్లా పోలీస్ యంత్రాంగం శక్తి' టీమ్ సభ్యులు మరోసారి నిలిచారు.ఏలూరు పోలీస్ కంట్రోల్ రూమ్‌ కు డయల్ 112 ద్వారా అందిన అత్యవసర కాల్‌ పై ఏలూరు రూరల్ పోలీస్ స్టేషన్ పరిధిలో 'శక్తి' టీమ్ తక్షణమే స్పందించి అభాగ్యురాలైన వృద్ధురాలికి ప్రాణదానం చేశారు.ఈ ఘటనకు సంబంధించిన పూర్తి వివరాలు ఇలా ఉన్నాయి.ఏలూరు రూరల్ పోలీస్ స్టేషన్ పరిధిలోని ఒక ప్రాంతంలో తీవ్ర అస్వస్థతకు గురై, లేవలేని , కదల్లేని నిస్సహాయ స్థితిలో ఒక వృద్ధ మహిళ పడి ఉన్నట్లు సమాచారం అందిన వెంటనే 'శక్తి' టీమ్ సిబ్బంది ఘటనా స్థలానికి పరుగులు తీశారు.వృద్ధురాలి దీనస్థితిని గమనించిన టీమ్ సభ్యులు వెంటనే మానవత్వం చాటుకుంటూ తమ వాహనంలో ఆమెను ఏలూరు గవర్నమెంట్ జనరల్ హాస్పిటల్ కు తరలించారు.ఆసుపత్రిలో ఆమెను చేర్పించి, వైద్యులకు పరిస్థితిని వివరించి మెరుగైన వైద్యం అందేలా ప్రత్యేక చొరవ తీసుకున్నారు.మెరుగైన వైద్యం అందించిన అనంతరం ఆ వృద్ధురాలి వివరాలు సేకరించగా ఆమె వివరాలు వెల్లడయ్యాయి.*వృద్ధురాలి పేరు తేలు పాపాయమ్మ భర్త: అప్పారావు, వయస్సు: 74 సంవత్సరాలు, నివాసం: యలమల, పవర్ పేట, ఏలూరు గా గుర్తించారు.*ఈ సమాచారాన్ని వెంటనే ఏలూరు రూరల్ ఎస్సై ద్వారా సమన్వయం చేసారు. తదనంతరం వృద్ధురాలి కుమార్తె అయిన అన్నపూర్ణ మరిపు భర్త శ్రీనివాస్, వయస్సు: 50 సంవత్సరాలు, నివాసం యలమల, పవర్పేట, ఏలూరు ను సంప్రదించి, చికిత్స పొందిన వృద్ధురాలు పాపాయమ్మను ఆమె కుమార్తెకు పోలీసులు క్షేమంగా సురక్షితంగా అప్పగించారు.సకాలంలో స్పందించి అస్వస్థతతో ఉన్న వృద్ధురాలి ప్రాణాలను కాపాడి, కుటుంబ సభ్యులకు చేర్చిన ఏలూరు జిల్లా 'శక్తి' టీమ్ సభ్యుల మానవతా దృక్పథాన్ని స్థానికులు , ఉన్నతాధికారులు అభినందించారు.
