దాడులతో దడ పుట్టిస్తున్న నందికొట్కూరు ఎక్సైజ్ సీఐ ఎస్.ఆర్ ....నాయక్..!

దాడులతో దడ పుట్టిస్తున్న నందికొట్కూరు ఎక్సైజ్ సీఐ ఎస్.ఆర్ ....నాయక్..!
- నందికొట్కూరు పరిధిలో ఎక్సైజ్ దాడులు 
-  90 లీటర్ల బెల్లం ఊట ధ్వంసం
-  మద్యం దుకాణాలలో శాంపిళ్ల సేకరణ 
- పట్టణంలో మద్యం దుకాణాలు తనిఖీ

​నందికొట్కూరు రూరల్ మేజర్ న్యూస్-: అక్రమ మద్యం తయారీ, రవాణా మరియు విక్రయాలపై కఠిన చర్యలు ఉంటాయని ఎక్సైజ్ శాఖ అధికారులు నందికొట్కూరు నియోజవర్గంలో దాడులతో దడ పుట్టిస్తున్నారు. ఆదివారం
నంద్యాల జిల్లా ప్రొహిబిషన్ మరియు ఎక్సైజ్ అధికారి  సాధు రవికుమార్  ఆదేశాల మేరకు, నందికొట్కూరు ప్రొహిబిషన్ మరియు ఎక్సైజ్ ఇన్స్పెక్టర్ ఎస్. రామాంజనేయులు ఆధ్వర్యంలో ఎక్సైజ్ సిబ్బంది పరిధిలోని పలు ప్రాంతాల్లో ప్రత్యేక తనిఖీలు నిర్వహించారు.​ఈ తనిఖీల్లో భాగంగా నందికొట్కూరులోని షీకారీ కాలనీలో నిర్వహించిన దాడుల్లో అక్రమంగా తయారు చేసిన సుమారు 90 లీటర్ల బెల్లం ఊటను స్వాధీనం చేసుకుని సంఘటనా స్థలంలోనే ధ్వంసం చేశారు.ప్రభుత్వ నిబంధనలకు అనుగుణంగా పగిడ్యాలలోని 'రవి వైన్స్ మరియు నందికొట్కూరులోని 'రాజా వైన్స్' మద్యం దుకాణాల తనిఖీ చేసి సదరు మద్యం షాపుల నుంచి మద్యం నాణ్యతా పరిశీలన నిమిత్తం  షాప్ శాంపిళ్లను సేకరించారు. సాయంత్రం అల్లూరు మరియు మాల్యాల క్రాస్ రహదారి వద్ద విస్తృతంగా వాహన తనిఖీలు  నిర్వహించారు.​ఈ దాడులు మరియు తనిఖీలలో ఎక్సైజ్ సబ్ ఇన్స్పెక్టర్లు భాష్యం శ్రీనివాసులు, హరిత మరియు సిబ్బంది తదితరులు పాల్గొన్నారు.