విద్యుత్ షాక్‌తో యువ ఎలక్ట్రిషియన్ మృతి.
విద్యుత్ షాక్‌తో యువ ఎలక్ట్రిషియన్ మృతి.
దుమ్ముగూడెం సూర్య (మేజర్ న్యూస్)::
ఇన్వర్టర్ మరమ్మతులు చేస్తుండగా విద్యుత్ షాక్ తగిలి యువ ఎలక్ట్రిషియన్ మృతి చెందిన ఘటన దుమ్ముగూడెం మండలం జరిగింది.ఈ ప్రమాద సంబంధించి స్థానికులు తెలిపిన వివరాల ప్రకారం..మండల పరిధిలోని బైరాగులపాడు గ్రామానికి చెందిన వాసం సన్వంత్ దొర (సన్నీ 26) తండ్రి నర్సింహారావుతో కలిసి ప్రైవేట్ ఎలక్ట్రిషియన్‌గా పనిచేస్తున్నాడు.మండలంలో ఏ ఇంట్లో కరెంట్ సమస్య వచ్చినా వెంటనే వెళ్లి పరిష్కరించే సన్నీకి అందరితోనూ మంచి పేరుంది.ఈ క్రమంలోనే శనివారం లక్ష్మీనగరం గ్రామంలోని ఓ ఇంట్లో ఇన్వర్టర్ బాగుచేస్తుండగా అకస్మాత్తుగా విద్యుత్ షాక్‌కు గురై సన్నీ అక్కడికక్కడే దుర్మరణం చెందాడు.ప్రమాదం జరిగిన వెంటనే ఇంటి యజమానులు సరిగా స్పందించలేదనిమెయిన్ ఆఫ్ చేసి ఉంటే ప్రమాదం తప్పేదని కుటుంబ సభ్యులు ఆగ్రహం వ్యక్తం చేశారు.దాదాపు 15 నిమిషాల పాటు సన్నీ కరెంట్ షాక్‌తోనే కొట్టుకున్నాడని యజమాని నిర్లక్ష్యం వల్లే మృతి చెందాడని మండిపడ్డారు.సన్నీ మృతదేహాన్ని ఆ ఇంటి ముందే ఉంచి కుటుంబ సభ్యులు నిరసన తెలిపారు.సమాచారం అందుకున్న పోలీసులు ఘటనా స్థలానికి చేరుకుని బాధితులకు నచ్చజెప్పి మృతదేహాన్ని పోస్టుమార్టం నిమిత్తం భద్రాచలం ఆసుపత్రికి తరలించి కేసు నమోదు చేశారు.సన్నీ ఆకస్మిక మృతితో బైరాగులపాడు గ్రామంలో విషాద ఛాయలు అలుముకున్నాయి.
సూర్య రిపోర్టర్.. సుమన్
