విద్యార్థుల హక్కులపై అవగాహన కల్పించాలి -ప్రిన్సిపల్ జూనియర్ సివిల్ జడ్జ్ శృతి

 సురక్షిత్ బచ్‌పన్ అభియాన్  భారతదేశంలో పిల్లల రక్షణ, హక్కులు , భద్రతను పెంపొందించడం కోసం ఉద్దేశించిన ముఖ్యమైన  కార్యక్రమమని ప్రిన్సిపల్ జూనియర్ సివిల్ జడ్జ్ శృతి దూత అన్నారు. జిల్లా న్యాయ సేవ అధికార సంస్థ ఆధ్వర్యంలో  నాగర్ కర్నూల్ పట్టణంలోని గవర్నమెంట్ ఉన్నత పాఠశాల  నందు సురక్షిత్ బచ్పన్ అభియాన్ -ఏ పాన్ ఇండియా స్కూల్ అవేర్నెస్ క్యాంపెయిన్ గురించి విద్యార్థులకు న్యాయ విజ్ఞాన సదస్సు నిర్వహించారు. కార్యక్రమానికి ముఖ్య అతిథిగా  హాజరైన ప్రిన్సిపల్ జూనియర్ సివిల్ జడ్జి మాట్లాడుతూ 6 సంవత్సరాల వయస్సు నుంచి 14 సంవత్సరాల వయస్సు మధ్య ఉన్న బాల బాలికలు  అందరూ తప్పనిసరిగా పాఠశాలకు వెళ్ళి చదువు కోవాలనీ అన్నారు. చిన్న పిల్లలపై జరిగే లైంగిక దాడులు, వేధింపులను అడ్డుకోవడం కోసం ఏర్పాటైన పోక్సో చట్టం పై పాఠశాలల్లో విద్యార్థులకు, ఉపాధ్యాయులకు అవగాహన కల్పించడం  కార్యక్రమం ముఖ్య ఉదేశ్యం అన్నారు. ప్రతి బిడ్డకు స్వేచ్ఛగా చదువుకునే, ఆడుకునే సురక్షితమైన వాతావరణాన్ని అందించడం, పాఠశాలల్లో విద్యార్థులకు గుడ్ టచ్ - బ్యాడ్ టచ్ గురించి వివరించడం చేస్తున్నట్లు తెలిపారు.

పి. వినయ్ కుమార్, నాగర్ కర్నూల్ క్రైమ్, సూర్య న్యూస్