పోలీస్ సంస్కరణ దినోత్సవం సందర్భంగా సైకిల్ ర్యాలీ

పోలీస్ సంస్కరణ దినోత్సవం సందర్భంగా సైకిల్ ర్యాలీ

పోలీసులతో కలిసి ర్యాలీలో పాల్గొన్న విద్యార్థులు

హుస్నాబాద్

పోలీస్ సంస్కరణ దినోత్సవం సందర్భంగా పోలీసుల ఆధ్వర్యంలో సైకిల్ ర్యాలీ నిర్వహించారు. ఈ కార్యక్రమంలో పోలీసులతో పాటు సెయింట్ జోసెఫ్ స్కూల్, బాయ్స్ హైస్కూల్ విద్యార్థులు ఉత్సాహంగా పాల్గొన్నారు. పోలీస్ వ్యవస్థపై అవగాహన కల్పించడం, విద్యార్థుల్లో క్రమశిక్షణ, సామాజిక బాధ్యత, ఆరోగ్యంపై చైతన్యం పెంపొందించడం వంటి లక్ష్యాలతో సైకిల్ ర్యాలీ నిర్వహించారు.

ఈ కార్యక్రమంలో ఏసీపీ సదానందం, సీఐ శ్రీధర్, ఎస్సైలు లక్ష్మారెడ్డి, ప్రశాంత్ పాల్గొన్నారు. విద్యార్థులతో కలిసి పోలీసులు సైకిల్ ర్యాలీలో పాల్గొని ఏసీబీ కార్యాలయం నుండి అంబేద్కర్ చౌరస్తా వరకు కార్యక్రమాన్ని ముందుకు నడిపించారు. పోలీసు శాఖ నిర్వహించిన ఈ కార్యక్రమం ద్వారా విద్యార్థుల్లో అవగాహన పెంపొందించేందుకు కృషి చేశారు.