ఎన్నికల ఏర్పాట్లు పరిశీలన
నేటి దినపత్రిక సూర్య బ్యూరో రాజమహేంద్రవరండాక్టర్ బి.ఆర్. అంబేద్కర్ కోనసీమ జిల్లా ఎంపీటీసీ, జెడ్పీటీసీ ఎన్నికల జనరల్ అబ్జర్వర్, ఐఏఎస్ అధికారి పుప్పాల ప్రశాంతి మంగళవారం ఆలమూరు మండలంలోని హైపర్ సెన్సిటివ్ పోలింగ్ కేంద్రాలను సందర్శించి పరిశీలించారు.
ఎన్నికల నిర్వహణలో భాగంగా అత్యంత సున్నితమైన పోలింగ్ కేంద్రాల్లో చేపట్టాల్సిన భద్రతా ఏర్పాట్లు, ఎన్నికల నిర్వహణకు సంబంధించిన అంశాలను మంగళవారం ఆమె పరిశీలించారు. ఎన్నికలు ప్రశాంతంగా, పారదర్శకంగా, నిష్పక్షపాతంగా జరిగేలా అవసరమైన చర్యలు తీసుకోవాలని సంబంధిత అధికారులకు సూచించారు.
ఈ పర్యటనలో ఎన్నికల ఏర్పాట్లపై సమీక్షిస్తూ, పోలింగ్ కేంద్రాల్లో ఎలాంటి అవాంఛనీయ సంఘటనలు చోటుచేసుకోకుండా ముందస్తు జాగ్రత్తలు తీసుకోవాల్సిన ఆవశ్యకతను ఆమె పరిశీలించారు.
ఈ కార్యక్రమంలో ఎన్నికల రిటర్నింగ్ అధికారి(ఆర్వో) డి. లక్ష్మీ ప్రత్యూష, అసిస్టెంట్ రిటర్నింగ్ అధికారి(ఏఆర్వో), ఎంపీడీవో ఏ.రాజు, తాసిల్దార్ కందుల కుశరాజు,ఆలమూరు ఎస్సై జి నరేష్, ఇతర సంబంధిత అధికారులు పాల్గొన్నారు.
