అభిషేక్ శర్మ వీరంగం.. న్యూజిలాండ్‌పై భారత్ ఘన విజయం, సిరీస్ కైవసం!
వెల్లింగ్టన్:న్యూజిలాండ్‌తో జరిగిన మూడో టీ20 మ్యాచ్‌లో భారత క్రికెట్ జట్టు విజృంభించి 6 వికెట్ల తేడాతో ఘన విజయం సాధించింది. ఈ గెలుపుతో ఐదు టీ20ల సిరీస్‌ను మరో రెండు మ్యాచ్‌లు మిగిలి ఉండగానే టీమిండియా 3-0 తేడాతో సొంతం చేసుకుంది.
టాస్ ఓడి తొలుత బ్యాటింగ్ చేసిన న్యూజిలాండ్ నిర్ణీత 20 ఓవర్లలో 3 వికెట్ల నష్టానికి 198 రన్స్ చేసింది. డారిల్ మిచెల్ (89 నాటౌట్) రాణించడంతో కివీస్ భారత్‌కు 199 పరుగుల భారీ లక్ష్యాన్ని నిర్దేశించింది.
అనంతరం 199 పరుగుల లక్ష్యంతో బరిలోకి దిగిన టీమిండియా ఓపెనర్లు ఆరంభం నుంచే సిక్సర్లు, ఫోర్లతో విరుచుకుపడ్డారు. ఓపెనర్ అభిషేక్ శర్మ విధ్వంసకర శతకంతో చెలరేగి కేవలం 38 బంతుల్లో 9 ఫోర్లు, 11 సిక్సర్లతో 113 పరుగులు చేయగా, మరో యువ ఓపెనర్ వైభవ్‌ సూర్యవంశీ 19 బంతుల్లో 4 ఫోర్లు, 4 సిక్సర్లతో 45 పరుగులు చేసి ధనాధన్ ఇన్నింగ్స్ ఆడారు. సంజూ శాంసన్‌ 18 పరుగులు చేశారు.
ఓపెనర్ల ధాటికి భారత్ కేవలం 13.2 ఓవర్లలోనే 4 వికెట్లు కోల్పోయి 199 పరుగులు చేసి లక్ష్యాన్ని ఛేదించింది. అద్భుత శతకంతో జట్టు విజయంలో కీలక పాత్ర పోషించిన అభిషేక్ శర్మ ప్లేయర్ ఆఫ్ ది మ్యాచ్‌గా నిలిచారు.
