సిరిసిల్ల నుంచి పంచారామ క్షేత్రాలకు ప్రత్యేక బస్సు
సూర్య రాజన్న సిరిసిల్ల : కార్తీక మాసం సందర్భంగా తెలంగాణ రాష్ట్ర రోడ్డు రవాణా సంస్థ సిరిసిల్ల డిపో ఆధ్వర్యంలో పంచారామ క్షేత్రాల దర్శనానికి ప్రత్యేక ఎక్స్ప్రెస్ బస్సును ఏర్పాటు చేసినట్లు డిపో అధికారులు తెలిపారు.ఈ యాత్రలో అమరారామం (అమరావతి)లో అమరేశ్వర స్వామి,ద్రాక్షారామంలో భీమేశ్వర స్వామి,క్షీరారామం (పాలకొల్లు)లో క్షీరారామలింగేశ్వర స్వామి,సోమారామం (భీమవరం)లో సోమేశ్వర స్వామి, కుమారారామం(సామర్లకోట)లో కుమార భీమేశ్వర స్వామిని దర్శించుకునే అవకాశం ఉంటుంది.బస్సు ఈ నెల 22న ఆదివారం సాయంత్రం 4 గంటలకు సిరిసిల్ల కొత్త బస్టాండ్ నుంచి బయలుదేరి, మంగళవారం ఉదయం తిరిగి సిరిసిల్లకు చేరుకుంటుంది. పెద్దలకు రూ.2,000,పిల్లలకు రూ.1,300 ఛార్జీగా నిర్ణయించారు.ముందస్తు బుకింగ్ కోసం 9063403971,6304171291, 9959225929, 9063403778 నంబర్లను సంప్రదించాలని డిపో మేనేజర్ కోరారు.