మహిళలు స్వయం శక్తితో ఎదగడమే మెదక్ మిల్లీ అసోసియేషన్ లక్ష్యం కుట్టు శిక్షణ పూర్తి చేసిన 44 మంది మహిళలకు సర్టిఫికెట్ల పంపిణీ
కొల్చారం …మహిళలు తమ కాళ్లపై తాము నిలబడి స్వయం శక్తితో ఎదగాలన్నదే మెదక్ మిల్లీ అసోసియేషన్ ప్రధాన లక్ష్యమని అసోసియేషన్ అధ్యక్షుడు డాక్టర్ ఉమర్ ఖాన్, జనరల్ సెక్రటరీ సోఫీ సుజాత్ అలీ, సభ్యులు రియాజ్ అన్నారు.
శనివారం మెదక్ మిల్లీ అసోసియేషన్ ఆధ్వర్యంలో కొల్చారం గ్రామంలోని బాబా గార్డెన్స్లో నిర్వహించిన కుట్టు శిక్షణ కేంద్రంలో శిక్షణ పూర్తి చేసుకున్న 44 మంది మహిళలకు సర్టిఫికెట్లను పంపిణీ చేశారు.ఈ సందర్భంగా వారు మాట్లాడుతూ మహిళలపై కుటుంబ బాధ్యతలు ఎక్కువగా ఉంటాయని, వారు ఆర్థికంగా ఎదిగి స్వతంత్రంగా జీవించాలనే ఉద్దేశంతో మూడు నెలల పాటు కుట్టు శిక్షణ కార్యక్రమాన్ని నిర్వహించినట్లు తెలిపారు.శిక్షణ పూర్తి చేసుకున్న మహిళలు తాము స్వయంగా కుట్టిన వివిధ రకాల దుస్తులను ప్రదర్శించడం కార్యక్రమానికి ప్రత్యేక ఆకర్షణగా నిలిచింది. మహిళలు తమ శిక్షణ అనుభవాలను పంచుకుంటూ ఆనందం వ్యక్తం చేశారు. కులమతాలకు అతీతంగా మహిళలకు శిక్షణ అందించడం అభినందనీయమని పేర్కొన్నారు. భవిష్యత్తులో కొల్చారంలో మెహందీ డిజైన్ శిక్షణ శిబిరాన్ని కూడా ఏర్పాటు చేయాలని కోరారు.ఈ కార్యక్రమంలో సుప్రీం బాడీ సభ్యులు జాఫర్ ఉల్లా తాహెర్, షేక్ ఫజల్ అహ్మద్, అడ్వకేట్ రియాజ్, సయ్యద్ సదత్ అలీ, మహమ్మద్ రియాజుద్దీన్, సిద్ధిక్ మియొద్దీన్, అబ్బాస్, సద్దాం, అఫ్సర్, శిక్షకురాలు హైమాది బేగం, సెంటర్ ఇన్చార్జి సానియా సమీరా, మసీదు ఇమామ్ గౌస్ ఆలం, ఖదీర్, షాబొద్దీన్, సమీర్, ఖలీల్ తదితరులు పాల్గొన్నారు.