తామరపల్లి మహిళా కళాశాల విద్యార్థుల స్వచ్ఛంద శ్రమదానం..
నరసన్నపేట నవంబర్ 21 మేజర్ న్యూస్ : తామరాపల్లిలోని డా. బి.ఆర్. అంబేద్కర్ కళాశాలలో స్వచ్ఛత కార్యక్రమాన్ని నిర్వహించారు. ఈ కార్యక్రమంలో కళాశాల విద్యార్థులు ఉత్సాహంగా పాల్గొని స్వచ్ఛందంగా శ్రమదానం చేశారు. కళాశాల పరిసరాల్లో పేరుకుపోయిన వ్యర్థాలను సేకరించి పరిసరాలను శుభ్రపరిచారు.
సేకరించిన చెత్తను స్వచ్ఛ రథం సిబ్బందికి అప్పగించారు. ఈ సందర్భంగా విద్యార్థులకు ఘన వ్యర్థాల నిర్వహణపై అవగాహన కల్పించారు. తడి చెత్త, పొడి చెత్తను వేర్వేరుగా సేకరించడం, బహిరంగ ప్రదేశాల్లో చెత్త వేయకుండా తగిన విధంగా పారవేయడం, పరిసరాల పరిశుభ్రతను కాపాడుకోవడం వంటి అంశాలను వివరించారు.
పరిశుభ్రమైన సమాజ నిర్మాణంలో ప్రతి ఒక్కరికీ బాధ్యత ఉందని, పర్యావరణ పరిరక్షణకు విద్యార్థులు సైతం భాగస్వాములు కావాలని నిర్వాహకులు సూచించారు. విద్యార్థుల్లో సామాజిక బాధ్యత, పరిశుభ్రత పట్ల అవగాహన పెంపొందించడమే ఈ కార్యక్రమ ముఖ్య ఉద్దేశమని తెలిపారు.
ఈ కార్యక్రమంలో కళాశాల ప్రిన్సిపాల్ ఆర్ వి కృష్ణ తార , అధ్యాపకులు, సిబ్బంది, విద్యార్థులు పాల్గొన్నారు.