BREAKING
పంటపాలెం పారిశ్రామిక ప్రాంతంలో 132 కేవీ సబ్‌స్టేషన్ ఏర్పాటుకు ప్రతిపాదన చేయాలని ఎస్‌ఈని కోరిన పారిశ్రామిక వినియోగదారులు బీజేపీ నుంచి కాంగ్రెస్‌లోకి కమలాకర్ రెడ్డి ఎన్నికల అధికారులకు శిక్షణ..! జన సందోహం మధ్య... సర్పంచ్ అభ్యర్థిగా ఆలపాక నామినేషన్ సౌత్ మోపూర్ సర్పంచ్ బరిలో బండి అంకమ్మ ఆత్మకూరు మండలంలో ఏకగ్రీవం కానున్న పలు పంచాయతీలు విద్యార్థులు ప్రశ్నించే తత్వాన్ని అలవర్చుకోవాలి ప్రజారోగ్యమే ప్రథమ ప్రాధాన్యత.. మంచినీటి ట్యాంక్ డీప్ క్లీనింగ్‌కు కార్పొరేటర్ విజయలక్ష్మి చర్యలు! ఆత్మీయ పలకరింపులతో ముగిసిన చివరి కౌన్సిల్ సమావేశం సర్పంచ్ అభ్యర్థిగా పొట్నూరు వాణి సాయి ప్రసాద్ నామినేషన్ అమ్మ చేతి వంటతో ఆరోగ్యం.. బయటి ఆహారంతో అనారోగ్యం బయటి ఆహారానికి నో చెబుదాం.. ఇంటి భోజనంతో ఆరోగ్యాన్ని కాపాడుకుందాం.. ఎన్నికల సిబ్బందికి శిక్షణా తరగతులు పాత వెల్లంటిలో సీపీఎం సర్పంచ్ అభ్యర్థిగా పల్లవరపు చెంచయ్య నామినేషన్ వినబడని ప్రజల దాహం కేకలు...! స్పెషల్ లోక్ అదాలత్"

మున్సిపాలిటీని అన్ని విధాలా అభివృద్ధి చేస్తాం: మాజీ ఎమ్మెల్యే రామిరెడ్డి

Select Suryaa Now
మున్సిపాలిటీని అన్ని విధాలా అభివృద్ధి చేస్తాం: మాజీ ఎమ్మెల్యే రామిరెడ్డి

​కావలి, మేజర్ న్యూస్ :   కావలి మున్సిపల్ ఎన్నికల ప్రచారంలో భాగంగా వైఎస్సార్ కాంగ్రెస్ పార్టీ (వైసిపి) నాయకులు ప్రచారాన్ని ముమ్మరం చేశారు. మున్సిపల్ చైర్మన్ అభ్యర్థి కేతిరెడ్డి శివకుమార్ రెడ్డితో కలిసి మాజీ ఎమ్మెల్యే రామిరెడ్డి ప్రతాప్ కుమార్ రెడ్డి కావలి పట్టణంలోని పలు వార్డులలో విస్తృతంగా పర్యటించారు. ఈ సందర్భంగా వార్డు ప్రజలు వారికి ఘనస్వాగతం పలికారు.
​అభివృద్ధి, హామీలపై 
ప్రచార సభలో మాజీ ఎమ్మెల్యే రామిరెడ్డి ప్రతాప్ కుమార్ రెడ్డి మాట్లాడుతూ, కావలి పట్టణ అభివృద్ధికి వైసిపి ఎల్లప్పుడూ ముందుంటుందని పేర్కొన్నారు. వార్డులలో అసంపూర్తిగా నిలిచిపోయిన అభివృద్ధి పనులన్నింటినీ పూర్తి చేస్తామని, మున్సిపాలిటీని అన్ని విధాలా అభివృద్ధి పథంలో నడిపిస్తామని ఆయన తెలిపారు. అలాగే, మోడల్ కాలనీలో నివసిస్తున్న ప్రజలందరికీ ఇళ్ల పట్టాలు ఇప్పించే బాధ్యత తనదేనని ఈ సందర్భంగా ఆయన హామీ ఇచ్చారు.
​40 సంవత్సరాల సుదీర్ఘ రాజకీయ అనుభవం, సౌమ్యుడిగా పేరున్న కేతిరెడ్డి శివకుమార్ రెడ్డిని మున్సిపల్ చైర్మన్ అభ్యర్థిగా భారీ మెజారిటీతో గెలిపించాలని రామిరెడ్డి ఓటర్లను అభ్యర్థించారు.
​ప్రత్యర్థులపై విమర్శలు:
ఈ సందర్భంగా రామిరెడ్డి ప్రతాప్ కుమార్ రెడ్డి మాట్లాడుతూ, ప్రస్తుత ఎమ్మెల్యే కావ్య కృష్ణారెడ్డి పనితీరుపై విమర్శలు చేశారు. గతంలో కావలిలో అనేకమంది ఎమ్మెల్యేలు పనిచేశారని, అయితే ప్రస్తుత ఎమ్మెల్యే హయాంలో అక్రమ కేసులు, రౌడీయిజంతో పట్టణ ప్రజలు భయభ్రాంతులకు గురవుతున్నారని ఆయన ఆరోపించారు. తనపై ఉన్న కక్షతో తన అనుచరులను ఇబ్బంది పెడుతున్నారని, తనకు ఆప్తుడైన రాజేష్‌పై అక్రమ కేసులు బనాయించి జైలుకు పంపించారని ఆయన ఆవేదన వ్యక్తం చేశారు. మున్సిపాలిటీ వ్యవహారాల్లో కూడా అధికార పక్షం తప్పులు చేసి, వాటిని తమపై నెట్టే ప్రయత్నం చేస్తోందని రామిరెడ్డి ఆరోపించారు.
​ఈ ప్రచార కార్యక్రమంలో స్థానిక వైసిపి నాయకులు, వార్డు అభ్యర్థులు, కార్యకర్తలు మరియు పెద్ద ఎత్తున ప్రజలు పాల్గొన్నారు.