శివాలయంలో ప్రత్యేక పూజలు
కనగల్ మేజర్ న్యూస్: మండల కేంద్రమైన కనగల్ గ్రామంలో పురాతన (శివాలయం) శ్రీ పార్వతి బండి రామలింగేశ్వర స్వామి వారి ఆలయంలో కార్తీక శుద్ధ ఏకాదశి సందర్భంగా అర్చకులు ప్రత్యేక పూజలు నిర్వహించారు. మహన్యాస పూర్వక ఏకాదశ రుద్రాభిషేకం నిర్వహించారు. భక్తులు ఆలయ సన్నిధిలో పాలు, పూలు, కుంకుమార్చన, అభిషేక పూజలు నిర్వహించి మొక్కులు తీసుకున్నారు. మరి కొంతమంది కొబ్బరికాయలు కొట్టి మొక్కలు సమర్పించుకున్నారు. మాలధార స్వాములు ఆలయ ప్రదక్షిణలు చేసి, ఆ శివయ్యను తరించుకున్నారు. ఈ కార్యక్రమంలో అర్చక స్వాములు మణికంఠ శర్మ, శేషగిరి ప్రసాద్ శర్మ, భక్తులు, గ్రామస్తులు తదితరులు పాల్గొన్నారు.