మెట్పల్లి లో ఘోర రోడ్డు ప్రమాదం
సూర్య మెట్పల్లి: లారీ ఢీకొన్న ఘటనలో మహిళా అక్కడికక్కడే మృతి చెందింది. స్థానికులు తెలిపిన వివరాల ప్రకారం జగిత్యాల జిల్లా మెట్పల్లి పట్టణంలోని దుబ్బవాడ కు చెందిన మాన్కల చిన్నక్క (బొన్నక్క) (65) ఎలక్ట్రికల్ స్కూటీ పై పనుల నిమిత్తం వెంకట్రావుపేట్ వైపు నుండి మెట్పల్లి వస్తుండగా నిజామాబాద్ నుండి జగిత్యాల వైపు వెళుతున్న టీ.జి 16 టి 2229 నంబర్ గల లారీ పట్టణంలోని పోలీస్ స్టేషన్ కు సమీపంలో ఉన్న ఎస్సారెస్పీ కెనాల్ బ్రిడ్జి పై ఒక్కసారిగా వెనకనుండి స్కూటీ ని డీకొని కొద్ది దూరం లాక్కు వెళ్లగా మహిళ శరీరం నుజ్జు నుజ్జుగా మారి అక్కడికక్కడే మృతి చెందింది. ప్రమాదాన్ని గమనించిన స్థానికులు పోలీసులకు సమాచారం అందించడంతో సంఘటన స్థలానికి చేరుకొని లారీని వెంబడించి పట్టణంలోని వై కన్వెన్షన్ హాల్ సమీపంలో లారీని, డ్రైవర్ ను అదుపులోకి తీసుకొని కేసు నమోదు చేసి, మృతదేహాన్ని పోస్టుమార్టం నిమిత్తం స్థానిక సామాజిక ప్రభుత్వ ఆసుపత్రికి తరలించి దర్యాప్తు చేపట్టారు.