ఎల్ నినో ప్రభావం – వర్షాభావ పరిస్థితుల నేపథ్యంలో ఆరుతడి పంటలు, నూనెగింజల సాగుకు రైతులు మొగ్గు చూపాలి
చేగుంట ; ఎల్ నినో ప్రభావం కారణంగా వర్షపాతం తగ్గే అవకాశం ఉండటం, భూగర్భ జలమట్టాలు పడిపోవడం, సాగునీటి వనరుల్లో నీటి లభ్యత తగ్గుతున్న నేపథ్యంలో రైతులు ప్రస్తుత పరిస్థితులకు అనుగుణంగా పంటల సాగు ప్రణాళికను రూపొందించుకోవాలని చేగుంట మండలం లోని పెద్దశివనూర్ గ్రామసభ లో జిల్లా వ్యవసాయధికారి దేవుకుమార్ గారు సూచించారు.నీటి లభ్యత తక్కువగా ఉన్న ప్రాంతాల్లో వరి సాగుకు బదులుగా తక్కువ నీటితో పండించే ఆరుతడి పంటలైన జొన్న, మొక్కజొన్న, సజ్జ, కంది, పెసర, మినుము, శనగ వంటి పంటలను సాగు చేయడానికి ప్రాధాన్యత ఇవ్వాలి.
అదేవిధంగా వేరుశనగ, నువ్వులు, పొద్దుతిరుగుడు, ఆముదం వంటి నూనెగింజల పంటలను సాగు చేయడం ద్వారా నీటి వినియోగాన్ని తగ్గించుకోవచ్చని తెలుపటం జరిగింది.అంతేకాకుండా, దీర్ఘకాలిక ఆదాయాన్ని పొందే అవకాశం ఉన్న ఆయిల్ పామ్ సాగుపై కూడా రైతులు దృష్టి సారించాలి. ఆయిల్ పామ్ సాగుకు అనుకూలమైన నేలలు, తగినంత నీటి వసతి ఉన్న రైతులు వ్యవసాయ, ఉద్యానవన శాఖ అధికారుల సలహాలు తీసుకొని సాగు చేపట్టాలని తెలుపటమైనది. ఈ కార్యక్రమం లో గ్రామ సర్పంచ్ నర్సింలు, ఉప సర్పంచ్ అన్నం మల్లేష్ , వార్డు మెంబెర్స్,MRO, MPDO,MAO, పశువైద్యాధికారి,ఇరిగేషన్ AE, Electricity AE, Housing AE, APO, AEO రైతులు పాలుగోన్నారు.