పోలేరమ్మ గుడి పక్కన ఆటోలు అడ్డా... భక్తులకి తీవ్ర ఇక్కట్లు
వెంకటగిరి పట్టణంలోని పోలేరమ్మ గుడి పక్కన ఆటోలు అడ్డదిడ్డంగా పార్క్ చేయడంతో భక్తులు తీవ్ర ఇబ్బందులు పడుతున్నారు.గుడికి వచ్చే వృద్ధులు, మహిళలు, చిన్న పిల్లలు రోడ్డు మీద నడవడానికి కూడా వీలు లేకుండా పోయింది. ఉదయం, సాయంత్రం పూజ సమయంలో, శుక్రవారం, అమావాస్య, పండుగ రోజుల్లో రద్దీ ఎక్కువగా ఉండటంతో ట్రాఫిక్ జామ్ అవుతోంది.గుడి ముందు, గుడి పక్క సందులోనే ఆటో డ్రైవర్లు ఆటోలు నిలిపి ప్రయాణికుల కోసం ఎదురుచూడటంతో అంబులెన్స్ లాంటి అత్యవసర వాహనాలు కూడా వెళ్లలేకపోతున్నాయని స్థానికులు ఆవేదన వ్యక్తం చేస్తున్నారు.గుడి పక్కన ప్రత్యేక ఆటో పార్కింగ్ స్థలం ఏర్పాటు చేయాలని, పోలీసులు, మున్సిపాలిటీ అధికారులు వెంటనే చర్యలు తీసుకోవాలని భక్తులు కోరుతున్నారు.దుకాణాలు ఎదుట వాహనాలు నిలపడంతో యజమానులతో కూడా వాదనలు జరుగుతున్నాయి.పోలీస్ వారు ఈ సమస్యని వెంటనే పరిష్కరించవలసిందిగా భక్తులు మరియు ప్రజలు కోరుతున్నారు.