రొయ్యల చెరువులో ఏరేటర్ మరమ్మతులు చేస్తుండగా విద్యుదాఘాతానికి గురై యువకుడు మృతి
చిన్నగంజాం, మేజర్న్యూస్ :
పెదగంజాం సమీపంలోని రొయ్యల చెరువులో విద్యుదాఘాతానికి గురై శానిమాజీ (25) అనే యువకుడు మృతి చెందాడు.
మృతుడు శానిమాజీ, తండ్రి బిజు మాజీ, స్వగ్రామం సింగూరు, సింగూరు పోస్టు, రాయగడ జిల్లా, ఒడిశా రాష్ట్రానికి చెందిన ఆదివాసీ యువకుడు. ఇతను సుమారు 20 రోజుల క్రితమే పనినిమిత్తం ఈ ప్రాంతానికి వచ్చి రొయ్యల చెరువులో పనిచేస్తున్నాడు.
ఈ క్రమంలో సంఘటన జరిగిన రోజు సాయంత్రం రొయ్యల చెరువులో ఏర్పాటు చేసిన ఫ్యాన్ (ఏరేటర్) మరమ్మతులు చేస్తుండగా ప్రమాదవశాత్తు విద్యుత్ వైరు తగలడంతో విద్యుదాఘాతానికి గురై అక్కడికక్కడే మృతి చెందినట్లు ప్రాథమిక విచారణలో వెల్లడైంది.
ఈ సంఘటనపై చిన్నగంజాం పోలీస్ స్టేషన్లో కేసు నమోదు చేసి, తదుపరి దర్యాప్తు చేపట్టడం జరిగింది.