షాహీనా కుటుంబానికి అండగా హరీష్ రావు
సిద్దిపేట రూరల్, మేజర్ న్యూస్:కష్టకాలంలో బాధిత కుటుంబాలను ఆదుకోవడం మానవతా ధర్మమని సిద్దిపేట రూరల్ మండల సర్పంచుల ఫోరం అధ్యక్షుడు, పెద్దలింగారెడ్డిపల్లి గ్రామ సర్పంచ్ బట్టు భాస్కర్ రెడ్డి అన్నారు. మంగళవారం మండల పరిధిలోని పెద్దలింగారెడ్డిపల్లి గ్రామానికి చెందిన షాహీనా మృతి చెందడంతో ఆమె కుటుంబాన్ని పరామర్శించి, మాజీ మంత్రి, సిద్దిపేట ఎమ్మెల్యే తన్నీరు హరీష్ రావు సహకారంతో ఆర్థిక సహాయం అందజేశారు.ఈ సందర్భంగా బట్టు భాస్కర్ రెడ్డి మాట్లాడుతూ ఆపదలో ఉన్న కుటుంబాలకు అండగా నిలవడం ప్రతి ఒక్కరి బాధ్యతని అన్నారు. షాహీనా కుటుంబానికి అండగా నిలిచి ఆర్థిక సహకారం అందించిన ఎమ్మెల్యే హరీష్ రావుకు కృతజ్ఞతలు తెలిపారు. బాధిత కుటుంబానికి గ్రామ ప్రజల తరఫున అవసరమైన సహాయ సహకారాలు అందిస్తామని భరోసా ఇచ్చారు.ఈ కార్యక్రమంలో గ్రామపంచాయతీ పాలకవర్గ సభ్యులు, కుల పెద్దలు, గ్రామ ప్రజలు తదితరులు పాల్గొన్నారు.
(సిద్దిపేట రూరల్, రమేష్)