శాంతి భద్రతలకు విఘాతం కలిగిస్తే చర్యల
నేటి దినపత్రిక సూర్య బ్యూరో రాజమహేంద్రవరంఎన్నికల్లో పోటీ చేయడం ప్రతి ఒక్కరి ప్రజాస్వామ్య హక్కు అని, గెలుపోటములు సహజమని, అయితే ఎన్నికల పేరుతో గ్రామాల్లో గొడవలు, వర్గ విభేదాలు, బెదిరింపులు, దాడులు, శాంతిభద్రతలకు విఘాతం కలిగించే చర్యలకు ఎట్టి పరిస్థితుల్లోనూ అవకాశం ఉండకూడదని కోరుకొండ సి ఐ మూర్తి సూచించారు. గోకవరం పోలీస్ స్టేషన్ పరిధిలో గ్రామ పంచాయతీ ఎన్నికలకు సంబంధించి పోలీసు పలు సూచనలు చేసారు. పోలీస్ శాఖ ఎవరిపట్ల పక్షపాతం లేకుండా, చట్టప్రకారం నిష్పక్షపాతంగా వ్యవహరిస్తుందని, ఎన్నికల ప్రవర్తన నియమావళి నిష్పక్షపాతంగా అమలు చేస్తుందన్నారు. ఈ విషయంలో అభ్యర్థులు, రాజకీయ పార్టీలు, గ్రామ పెద్దలు పోలీస్ శాఖకు సహకరించాలని కోరారు. నామినేషన్ల కేంద్రాల వద్ద అభ్యర్థులు, వారి ప్రతినిధులు ఎన్నికల అధికారుల నిబంధనలను తప్పనిసరిగా పాటించాలని, నామినేషన్ దాఖలు చేయడానికి ఎన్నికల కమిషన్ ఎన్నికల అధికారులు అనుమతించిన వ్యక్తులు మొత్తం ముగ్గురిని మాత్రమే కేంద్రంలోకి వెళ్లాలన్నారు. నామినేషన్ కేంద్రాల వద్ద గుంపులుగా చేరడం, అనవసరంగా గుమిగూడడం, ర్యాలీలు నిర్వహించడం చేయకూడదన్నారు. అలాగే ఇతర అభ్యర్థుల నామినేషన్లను అడ్డుకోవడం, అడ్డంకులు సృష్టించడం, బెదిరించడం, దౌర్జన్యానికి పాల్పడం చేయకూడదన్నారు. నామినేషన్ కేంద్రాలకు నిర్ణీత దూరంలో మాత్రమే వాహనాలు పార్కింగ్ చేయాలని పోలీస్ సిబ్బంది సూచించిన పార్కింగ్ ప్రాంతాలను ఉపయోగించాలన్నారు. ఏదైనా అభ్యంతరం లేదా సమస్య ఉంటే ఎన్నికల రిటర్నింగ్ అధికారిని లేదా పోలీస్ అధికారులను సంప్రదించాలని, ఎవరూ చట్టాన్ని చేతుల్లోకి తీసుకోకూడదని, నామినేషన్ల సమయం లో సమయంలో ఊరేగింపులు జరపరాదు ఎటువంటి బాణాసంచా కాల్చరాదు కవ్వింపు చర్యలకు పాల్పడరాదన్నారు. ఈ సమావేశంలో పవన్ కుమార్, నాగమణి సిబ్బంది పాల్గొన్నారు.