సెల్ఫోన్ సంకేతాలు లేక అవస్థలు!

గణపురం, మేజర్ న్యూస్, గణపురం మండలం నగరంపల్లి గ్రామంలో సెల్‌ఫోన్‌ సంకేతాలు సరిగా అందక ప్రజలు తీవ్ర ఇబ్బందులు పడుతున్నారు. ఫోన్‌ మాట్లాడాలన్నా, అంతర్జాల సేవలు వినియోగించుకోవాలన్నా సమస్యలు ఎదురవుతున్నాయని గ్రామస్థులు వాపోతున్నారు.అత్యవసర సమయాల్లో కుటుంబ సభ్యులకు, వైద్య సేవలకు, ఇతర అధికారులకు ఫోన్‌ చేయడంలో ఇబ్బందులు తలెత్తుతున్నాయని ఆందోళన వ్యక్తం చేస్తున్నారు. సెల్‌ఫోన్‌ సంకేతాలు సరిగా అందకపోవడంతో కొన్ని కుటుంబాలు అదనపు ఖర్చు భరిస్తూ వైఫై సదుపాయాలను ఏర్పాటు చేసుకోవాల్సి వస్తోందని చెబుతున్నారు. ప్రస్తుత కాలంలో సెల్‌ఫోన్‌ సేవలు విద్య, ఉపాధి, వ్యాపారం, అత్యవసర సమాచార మార్పిడికి ఎంతో అవసరమని గ్రామస్థులు పేర్కొంటున్నారు. అయినప్పటికీ నగరంపల్లిలో మెరుగైన సంకేతాలు అందకపోవడం ఇబ్బందికరంగా మారిందని ఆవేదన వ్యక్తం చేస్తున్నారు.సంబంధిత టెలికాం సంస్థలు నగరంపల్లి గ్రామంలో సెల్‌ఫోన్‌ సంకేతాల లభ్యతను పరిశీలించి, అవసరమైన సాంకేతిక ఏర్పాట్లు చేపట్టాలని ప్రజలు కోరుతున్నారు. గ్రామస్థులకు అంతరాయం లేకుండా నాణ్యమైన సెల్‌ఫోన్‌ సేవలు అందేలా అధికారులు, టెలికాం సంస్థలు చర్యలు తీసుకోవాలని విజ్ఞప్తి చేస్తున్నారు.

రిపోర్టర్ ; ఎల్లయ్య ,గణపురం జయశంకర్ భూపాలపల్లి జిల్లా