మీ వాడిగా నిత్యం అందుబాటులో ఉంటా... -59వ డివిజన్ ప్రచారంలో జగదీష్ ప్రజలకు హా

ఎడ్యుకేషన్ స్టాఫ్ రిపోర్టర్ : డివిజన్లో ప్రతి సమస్యపై తనకి అనుభవం ఉందని, వాటన్నింటినీ మీ వాడిగా నిత్యం అందుబాటులో ఉండి పరిష్కరిస్తానని ఒక్క అవకాశం ఇవ్వాలని ఆ డివిజన్ ఎన్డీఏ కూటమి కార్పొరేటర్ అభ్యర్థి జగదీష్ ప్రజలకు హామీ ఇచ్చారు. ప్రచారంలో భాగంగా సోమవారం డివిజన్ పరిధిలోని కట్టకిందూరు ప్రాంతంలో జోరుగా ప్రచారం నిర్వహించారు. ఇంటింటికి తిరుగుతూ ప్రతి ఇంటికి వెళ్లి ప్రజల సమస్యలను అడిగి తెలుసుకుని కరపత్రాలు పంచుతూ అవకాశం ఇవ్వండి మీ వాడిగా పనిచేస్తానని విజ్ఞప్తి చేశారు. డివిజన్లో ప్రతి సందు తనకు తెలుసని, ఇక్కడే పుట్టి పెరిగిన వాడుగా తనకు అనుభవం ఉందని ఆదరిస్తే అండగా ఉంటానని హామీ ఇచ్చారు. నవంబర్ ఒకటో తేదీ జరగబోయే మున్సిపల్ కార్పొరేషన్ ఎన్నికల్లో కూటమి మేయర్ అభ్యర్థిగా పోటీ చేస్తున్న జేబీ శ్రీనివాస్, 59వ డివిజన్ కార్పొరేటర్ అభ్యర్థిగా పోటీ చేస్తున్న తనకు సైకిల్ గుర్తుపై ఓటు వేసి అఖండ మెజారిటీతో గెలిపించాలని అభ్యర్థించారు. ఈ కార్యక్రమంలో కే నరేంద్ర, తరుణ్, మునస్వామి, వాటర్ ప్లాంట్ రవి, శ్రీహరి, దివాకర్, అశోక్, సాయి యాదవ్, షారుక్, గోకుల్, సందీప్, కళ్యాణ్, సుబ్రహ్మణ్యం, పాపయమ్మ పాల్గొన్నారు.

సీఎం గౌడ్ తిరుపతి స్టాప్ రిపోర్టర్