టిప్పర్ వాహనాల బ్యాటరీ దొంగ అరెస్ట్-ఆత్మకూరు సిఐ జి. బాబులాల్

ఆత్మకూరు, మేజర్ న్యూస్, ఆత్మకూరు పోలీస్ స్టేషన్ పరిధిలోని గుడెప్పాడు జంక్షన్ లో టిప్పర్ వాహనాల బ్యాటరీల దొంగతనానికి పాల్పడిన నిందితుడిని పోలీసులు అరెస్ట్ చేశారు. ఇన్‌స్పెక్టర్ బాబులాల్ తెలిపిన వివరాల ప్రకారం...
​కాశీబుగ్గ (వరంగల్) ప్రాంతానికి చెందిన పస్తం ఐలుకుమార్ (35, తండ్రి: నర్సయ్య) అనే వ్యక్తి గడచిన జూలై నెలలో గూడేపహాడ్ హెచ్‌పీ పెట్రోల్ బంక్ సమీపంలో నిలిపి ఉంచిన టిప్పర్ లారీ నుంచి రెండు బ్యాటరీలను దొంగిలించినట్లు సిఐ తెలిపారు. బాధితుడు, రెగొండ మండలానికి చెందిన మేకల భాస్కర్ రెడ్డి అన్నారు బాధితుడి ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టామన్నారు.
​ఈ క్రమంలో ఈ నెల 26న గూడేపహాడ్ జంక్షన్ వద్ద ఉన్న రాజరాజేశ్వరి పంక్చర్ షాప్ సమీపంలో ఆత్మకూర్ సీఐ బాబులాల్, తమ సిబ్బందితో కలిసి నిందితుడిని అదుపులోకి తీసుకున్నామన్నారు. అతడి వద్ద నుంచి రూ. 20,000 విలువైన రెండు బ్యాటరీలను స్వాధీనం చేసుకున్నామన్నారు.
​నిందితుడిని ఈరోజు మంగళవారం పరకాల కోర్టులో హాజరుపరిచినట్లు సీఐ తెలిపారు. ఈ దాడి/అరెస్టు చర్యల్లో హెడ్ కానిస్టేబుల్ రమేష్, కానిస్టేబుల్ కరణ్, మహిళా కానిస్టేబుల్ ప్రవళిక, హోంగార్డు రామన్న తదితరులు పాల్గొన్నారు.

రిపోర్టర్: శ్రీనివాస్, ఆత్మకూరు, హనుమకొండ జిల్లా