మా తమ్ముడికి అవకాశం ఇవ్వండి -మాధవ నగర్ లో అన్నా అనిత ప్రచారం
ఎడ్యుకేషన్ స్టాప్ రిపోర్టర్ : తమ తండ్రి అన్నా రామచంద్రయ్య అడుగుజాడల్లో నడుస్తూ తమ కుటుంబం ప్రజాసేవకే అంకితమయ్యామని, గతంలో తనకు అవకాశం కల్పించారని, నేడు మా తమ్ముడు అన్నా లోకేష్ కు కార్పొరేటర్ గా ఒక అవకాశం ఇవ్వాలని టిడిపి రాష్ట్ర కార్యదర్శి అన్నా అనిత విజ్ఞప్తి చేశారు. ప్రచారంలో భాగంగా 12వ క్లస్టర్, 66వ డివిజన్ పరిధిలోని మాధవ్ నగర్, ఎస్ ఎల్ వి నగర్ లో కుటమి అభ్యర్థి అన్నా లోకేష్ సోమవారం ఇంటింట ప్రచారం నిర్వహించారు. ఈ ప్రచారానికి అన్నా రామకృష్ణతోపాటు అన్నా అనిత హాజరై ప్రతిసారి తమకు అండగా నిలుస్తున్న జీవకోన ప్రజలకు రుణపడి ఉంటామని, ఈసారి మున్సిపల్ కార్పొరేషన్ ఎన్నికలలో కార్పొరేటర్ అభ్యర్థిగా పోటీ చేస్తున్న తమ్ముడు లోకేష్ ను ఆదరించాలని అభ్యర్థించారు. నవంబర్ ఒకటో తేదీ జరిగే మున్సిపల్ కార్పొరేషన్ ఎన్నికలలో కూటమి తరపున మేయర్ అభ్యర్థిగా పోటీ చేస్తున్న జెబి శ్రీనివాస్, కార్పొరేటర్ అభ్యర్థిగా పోటీ చేస్తున్న అన్నా లోకేష్ కు సైకిల్ గుర్తుకు ఓటు వేసి అఖండ మెజారిటీతో గెలిపించాలని విజ్ఞప్తి చేశారు. ఈ కార్యక్రమంలో కూటమి నాయకులు సిద్దయ్య జయమ్మ, డాన్స్ శ్రీను, శేఖర్ యాదవ్, సుబ్రహ్మణ్యం, గుర్రప్ప, మురళి, నరసింహులు, దాము, స్థానిక మహిళలు అధిక సంఖ్యలో పాల్గొన్నారు.
సీఎం గౌడ్ తిరుపతి స్టాప్ రిపోర్టర్
