మహర్షి వాల్మీకి జ‌యంతిన ఘ‌న నివాళి
హైద‌రాబాద్ సిటీబ్యూరో, మేజ‌ర్ న్యూస్‌(అక్టోబర్ 26): హైద‌రాబాద్ మ‌హా న‌గ‌రంలో మహర్షి వాల్మీకి జ‌యంత్యుత్స‌వాలు సోమ‌వారం ప‌లు చోట్ల ఘ‌నంగా జ‌రిగాయి. మ‌హా ముని అయిన వాల్మీకి జ‌న్మ‌దినాన్ని పుర‌స్క‌రించుకొని వాల్మీకీ సామాజిక వ‌ర్గీయులు, పండితులు, క‌వులు, ర‌చ‌యిత‌లు, అభిమాన వ‌ర్గాలు వాల్మీకి చిత్ర ప‌టానికి పూలమాలలు వేసి, కొబ్బ‌రి కాయ‌లు కొట్టి పెద్ద ఎత్తున నివాళుల‌ర్పించారు. ఇందులో భాగంగా హిమాయ‌త్ న‌గ‌ర్‌లో నిర్వహించిన ప్ర‌త్యేక కార్యక్రమంలో వాల్మీకి రుషి జ‌యంత్యుత్స‌వాన్ని భారీ స్థాయిలో నిర్వ‌హించారు. మహర్షి వాల్మీకి జయంతి సందర్భంగా వారి చిత్రపటానికి పూలమాలలు వేసి ప్ర‌త్యేక పూజా కార్యక్ర‌మాలు చేప‌ట్టారు. ఈ కార్యక్రమంలో కొండయ్య, వెంకటేష్, తిరుపతి, కుమార్‌, సునీత, సురేశ్‌, డి.ర‌వి, డి.వెంక‌టేశ్‌, డి.అంజి, బాల‌రాజు, న‌గేశ్‌, వైస్ చైర్మ‌న్, బొగ్గు వెంక‌టేశ్‌, తదితరులు పాల్గొన్నారు.
