మానవత్వాన్ని చాటుకున్న దామర ఎస్సై

దామెర, మేజర్ న్యూస్, సింగరాజుపల్లి గ్రామంలో రాత్రి పెట్రోలింగ్ నిర్వహిస్తున్న సమయంలో రోడ్డు పక్కన పడుకుని ఉన్న వృద్ధురాలిని చూసి  దామెర ఎస్ ఐ వివరాలు తెలుసుకుని వృద్ధురాలికి బెడ్‌షీట్లు, టవల్స్,పండ్లు, నిత్యావసర వస్తువులతో పాటు మూడు వేల రూపాయల నగదు అందజేసి మానవత్వాన్ని చాటుకున్నారు. అంతేకాకుండా,ఆమె వైద్య చికిత్సకు అవసరమైన సహాయ సహకారాలు అందిస్తానని హామీ ఇచ్చారు.
కొన్నేళ్లుగా రోడ్డు పక్కనే జీవనం సాగిస్తున్న వృద్ధురాలికి ఎస్ ఐ అందించిన సహాయం, సేవాభావాన్ని చూసి గ్రామ మహిళలు,ప్రజలు హర్షం వ్యక్తం చేశారు. పోలీసుల విధి నిర్వహణతో పాటు సామాజిక సేవలోనూ ముందుండటం అభినందనీయమని కొనియాడారు.