సర్వేకు రైతులు సహకరించాలి
సర్వేకు రైతులు సహకరించాలి
మహేశ్వరం: రైతులు సర్వేకు సహకరించాలని కందుకూరు ఆర్డీవో జగదీశ్వర్ రెడ్డి అన్నారు. శుక్ర వారం మహేశ్వరం మండలంలోని కొంగర ఖుర్దు రెవెన్యూ గ్రామంలో భూ భారతి భూ సర్వే కార్యక్రమంపై రైతులకు అవగాహన కల్పించేందుకు గ్రామ సభ నిర్వహించారు.
ఈ కార్యక్రమానికి కందుకూరు రెవెన్యూ డివిజనల్ అధికారి జగదీశ్వర్ రెడ్డి ముఖ్య అతిథిగా హాజరై మాట్లాడుతూ, భూ భారతి కార్యక్రమం ద్వారా భూ రికార్డుల నిర్వహణలో పారదర్శకత, ఖచ్చితత్వం పెంపొందించడంతో పాటు భూ సమస్యల పరిష్కారానికి అవకాశం కలుగుతుందని తెలిపారు. భూ సర్వే నిర్వహణ ప్రాముఖ్యతను వివరిస్తూ, భూముల హద్దుల నిర్ధారణ, సర్వే నంబర్ల వారీగా భూముల వివరాల నమోదు, భూ రికార్డుల సవరణ మరియు భవిష్యత్తులో భూ వివాదాల నివారణలో రీ-సర్వే కీలక పాత్ర పోషిస్తుందని వివరించారు.రైతులు తమ భూములకు సంబంధించిన పట్టాదారు పాస్ పుస్తకాలు, పాత రెవెన్యూ రికార్డులు, ఇతర సంబంధిత పత్రాలను సిద్ధంగా ఉంచుకోవాలని, సర్వే బృందాలకు పూర్తి సహకారం అందించాలని ఆర్డీఓ కోరారు. సర్వే సమయంలో తమ భూముల హద్దులను అధికారులకు చూపించి, సర్వే ప్రక్రియ సజావుగా జరిగేలా సహకరించాలని సూచించారు.
ఈ డిప్యూటీ తహశీల్దార్ సంతోష్, రెవెన్యూ ఇన్‌స్పెక్టర్ రాజిరెడ్డి, సర్వే అధికారులు, జీపీఓలు, వివిధ శాఖల అధికారులు గ్రామ రైతులు పాల్గొన్నారు.
పాల జనార్ధన్, మేజర్ న్యూస్ మహేశ్వరం రంగారెడ్డి జిల్లా
