వికారాబాద్‌లో నూతన జిల్లా పరిషత్ కార్యాలయ భవనాన్ని ప్రారంభించిన శాసనసభాపతి గడ్డం ప్రసాద్ కుమార్
వికారాబాద్ జిల్లా ప్రతినిధి,మేజర్ న్యూస్: వికారాబాద్ జిల్లా కేంద్రంలో నూతనంగా నిర్మించిన జిల్లా పరిషత్ కార్యాలయ భవనాన్ని తెలంగాణ శాసనసభాపతి, వికారాబాద్ ఎమ్మెల్యే గడ్డం ప్రసాద్ కుమార్ శుక్రవారం అధికారికంగా ప్రారంభించారు. ఈ కార్యక్రమంలో శాసనమండలి ప్రభుత్వ చీఫ్ విప్, ఎమ్మెల్సీ పట్నం మహేందర్ రెడ్డి, పరిగి ఎమ్మెల్యే డాక్టర్ టి. రామ్మోహన్ రెడ్డి,వికారాబాద్ వ్యవసాయ మార్కెట్ కమిటీ చైర్మన్ చాపల శ్రీనివాస్ ముదిరాజ్, వైస్ చైర్మన్ మల్లేషం, జిల్లా కలెక్టర్ దీపక్ తివారి, జిల్లా ఎస్పీ స్నేహ మెహ్రా, జిల్లా పరిషత్ సీఈవో సుధీర్ కుమార్, అదనపు కలెక్టర్ (రెవెన్యూ) వెంకటాచారి, ముఖ్య నాయకులు కిషన్ నాయక్, సత్యం సేటు, పట్టణ కౌన్సిలర్లు, వివిధ శాఖల అధికారులు, ప్రజాప్రతినిధులు పాల్గొన్నారు. నూతన భవన ప్రారంభోత్సవంతో జిల్లా పరిషత్ పరిపాలనా కార్యకలాపాలకు ఆధునిక వసతులతో కూడిన కార్యాలయం అందుబాటులోకి వచ్చింది.
