గ్రామసభలో విద్యార్థుల గళం

నవాబుపేట సూర్య న్యూస్: మండలంలోని కాకర్లపహాడ్ గ్రామంలో శుక్రవారం సర్పంచ్ బాలయ్య అధ్యక్షతన గ్రామసభ ఘనంగా నిర్వహించారు.ఈ సందర్భంగా గ్రామ అభివృద్ధి, ప్రజా సమస్యలు,పాఠశాలల్లో నెలకొన్న సమస్యలపై చర్చించారు.గ్రామంలోని పాఠశాలలో వసతుల కొరతను తీర్చాలని విద్యార్థులు గ్రామసభ దృష్టికి తీసుకువచ్చారు.పాఠశాలకు క్రీడా ప్రాంగణం,ప్రయోగశాలలు (ల్యాబ్స్),అనారోగ్యానికి గురైన విద్యార్థులు విశ్రాంతి తీసుకునేందుకు ప్రత్యేక గది (సిక్ రూమ్)ఏర్పాటు చేయాలని సర్పంచ్ బాలయ్య,గ్రామ పెద్దలను కోరారు.విద్యార్థుల సమస్యలను పరిష్కరించి పాఠశాలలో మెరుగైన వసతులు కల్పించాలని విజ్ఞప్తి చేశారు.ఈ కార్యక్రమంలో పంచాయతీ కార్యదర్శి శ్రీలత,ఉప సర్పంచ్ అంబేద్కర్,మైనుద్దీన్,వార్డు సభ్యులు,గ్రామ పెద్దలు,రాజకీయ నాయకులు,అంగన్‌వాడీ టీచర్లు,ఆశా కార్యకర్తలు,మహిళలు,గ్రామ ప్రజలు తదితరులు పాల్గొన్నారు.