రేపటి నుండి 59వ జాతీయ గ్రంథాలయ వారోత్సవాలు : జయప్రదం చేయాలని గ్రంథాలయ అధికారి బి.చంద్రశేఖర్ నాయక్ పిలుపు

కురబలకోట,మేజర్ న్యూస్ : ఏపీ ప్రభుత్వం,ఉమ్మడి చిత్తూరు జిల్లాల గ్రంథాలయ సంస్థ ఛైర్మన్ రెడ్డివారి గురవారెడ్డి ఆదేశాల మేరకు 14వ తేదీ (శనివారం) నుండి 20వ తేదీ వరకు జాతీయ గ్రంథాలయ వారోత్సవాలు నిర్వహిస్తున్నట్లు కురబలకోట శాఖ గ్రంధాలయ అధికారి బి.చంద్రశేఖర్ నాయక్ ఒక ప్రకటనలో తెలిపారు.ఈ సందర్భంగా శుక్రవారం ఆయన విలేకరులతో మాట్లాడుతూ అక్షర సమాజం పుట్టిన నాటి నుండి గ్రంథాలు జీవన వికాసానికి,సామాజిక పురోగతికి సోపానాలుగా మానవ పరిణామాన్ని ఆవిష్కరిస్తుంటే,గ్రంథాలయాలు ఆ లక్ష్యాలను మరింతగా విస్తరిస్తూ వివేకవంతమైన తరాన్ని రూపొందించటంలో నిర్విరామ కృషిని కొనసాగిస్తున్నాయన్నారు.గ్రంథాలయాలు అందిస్తున్న సేవలను ప్రజలకు తెలియజేయడం,నేటి తరాలను గ్రంథాలయాలకు సన్నిహితం చేయడమే ధ్యేయంగా పౌరగ్రంథాలయ శాఖ,ఆంధ్రప్రదేశ్ ప్రభుత్వం గ్రంథాలయ వారోత్సవాలు నిర్వహిస్తోందన్నారు.ఈ వారోత్సవాల్లో భాగంగా నవంబర్ 14న వారోత్సవాల ప్రారంభ వేడుకలు (బాలల దినోత్సవం),15న పుస్తక ప్రదర్శన ఏర్పాటు,పుస్తక పఠన ప్రాముఖ్యత,16న గ్రంధాలయ ఉద్యమంలో పాల్గొన్న ప్రముఖులు డాక్టర్ ఎస్.ఆర్.రంగనాథన్,పాతూరి నాగభూషణం,ఐ.ఎన్.జి వెంకటరమణయ్య తదితర ప్రముఖులను స్మరించుకోవడం,17న కవిసమ్మేళనాలు,సెమినార్లు,రచయితల సందేశాలు,18న పాఠశాల విద్యార్థిని,విద్యార్థులకు చిత్రలేఖనం,వ్యాసరచన,వక్తృత్వ,క్విజ్,క్రీడా పోటీలు నిర్వహణ,19న మహిళా దినోత్సవం,20వ తేదీ (శుక్రవారం) జాతీయ గ్రంథాలయాల వారోత్సవాలు ముగింపు కార్యక్రమాలు నిర్వహిస్తున్నట్లు తెలిపారు.కావున ఈ గ్రంథాలయ వారోత్సవాలకు పాఠకులు,విద్యార్థిని,విద్యార్థులు,పురప్రముఖులు హాజరై విజయవంతం చేయాలని ఆయన పిలుపునిచ్చారు.

రిపోర్టర్ : కే.ఈశ్వర్ రెడ్డి,మదనపల్లి నియోజకవర్గం ఇంచార్జి