*"చెయ్యెత్తండి - బస్సెక్కండి" నినాదం తుంగలో తొక్కిన ఆర్టీసీ!* *ఉచిత బస్సు పథకం అమలులో పిడుగురాళ్ల డిపో నిర్లక్ష్యం - ప్రయాణికుల అవస్థలు* మహిళలకు ఉచిత బస్సు ప్రయాణ పథకాన్ని ప్రభుత్వం ప్రతిష్టాత్మకంగా అమలు చేస్తుంటే, పిడుగురాళ్ల ఆర్టీసీ డిపోలో మాత్రం ఆ పథకం ప్రజలకు ఇబ్బందికరంగా మారింది. ఆర్టీస

*"చెయ్యెత్తండి - బస్సెక్కండి" నినాదం తుంగలో తొక్కిన ఆర్టీసీ!*

*ఉచిత బస్సు పథకం అమలులో పిడుగురాళ్ల డిపో నిర్లక్ష్యం - ప్రయాణికుల అవస్థలు*
   

మహిళలకు ఉచిత బస్సు ప్రయాణ పథకాన్ని ప్రభుత్వం ప్రతిష్టాత్మకంగా అమలు చేస్తుంటే, పిడుగురాళ్ల ఆర్టీసీ డిపోలో మాత్రం ఆ పథకం ప్రజలకు ఇబ్బందికరంగా మారింది. ఆర్టీసీ ఇచ్చిన "చెయ్యెత్తండి - బస్సెక్కండి" అనే నినాదం పిడుగురాళ్లలో తుంగలో తొక్కుతున్నారు.

ప్రభుత్వం ప్రజల సొమ్ముతో ఉచిత ప్రయాణాన్ని అందిస్తుంటే, ఆర్టీసీ సిబ్బంది నిర్లక్ష్యం వల్ల ఆ పథకం లక్ష్యం నీరుగారిపోతోందని ప్రజలు ఆవేదన వ్యక్తం చేస్తున్నారు.

*ప్రజలు ఎదుర్కొంటున్న ప్రధాన సమస్యలు:*

*1. బస్టాప్ లలో బస్సులు ఆపకపోవడం:* రద్దీ ప్రదేశాలలో, నిర్దేశించిన బస్సు పాయింట్లలో బస్సులు ఆపడం లేదు. మహిళలు చెయ్యెత్తినా బస్సులు ఆపకుండా వెళ్లిపోతున్నాయని ఆరోపణలు ఉన్నాయి.

*2. సమయపాలన లేకపోవడం:* బస్సులు సమయానికి రావడం లేదు. ఉదయం, సాయంత్రం వేళల్లో విద్యార్థులు, ఉద్యోగులు, మహిళలు గంటల తరబడి బస్సుల కోసం ఎదురుచూడాల్సి వస్తోంది.

*3. సిబ్బంది దురుసు ప్రవర్తన:* కొందరు కండక్టర్లు ఉచిత ప్రయాణం పేరుతో మహిళా ప్రయాణికుల పట్ల దురుసుగా మాట్లాడుతున్నారని, "సీట్లు లేవు, బస్సు ఫుల్ అయింది, దిగండి" అంటూ బస్సులో నుండి దింపేస్తున్నారనే ఆరోపణలు వినిపిస్తున్నాయి.

*4. రూట్ మ్యాపింగ్ గందరగోళం:* డ్రైవర్లు రూట్ మ్యాపింగ్ సరిగా పాటించడం లేదు. కొన్ని గ్రామాలకు వెళ్లాల్సిన బస్సులను వేరే రూట్లలో తిప్పుతుండటంతో ఆ గ్రామాల ప్రజలు తీవ్ర ఇబ్బందులు పడుతున్నారు.

*5. బస్సుల నిర్వహణ అధ్వాన్నం:* బస్సులు మార్గమధ్యంలోనే ఆగిపోవడం, బ్రేక్ డౌన్ అవ్వడం సర్వసాధారణంగా మారింది.

*ప్రజాధనం దుర్వినియోగమా?*

ప్రభుత్వం ఉచిత బస్సు పథకం కోసం కోట్లాది రూపాయల ప్రజాధనాన్ని ఆర్టీసీకి చెల్లిస్తోంది. అయితే పిడుగురాళ్ల డిపోలో ఆ నిధులకు తగ్గ సేవలు అందడం లేదని, ఇది ప్రజాధనం దుర్వినియోగం కిందకే వస్తుందని ప్రజలు విమర్శిస్తున్నారు.

ఆర్టీసీని నడుపుతున్నది ప్రభుత్వమా? డ్రైవర్లు, కండక్టర్లా? అనే సందేహం ప్రయాణికుల్లో వ్యక్తమవుతోంది. ప్రభుత్వం ఇచ్చిన ఆదేశాలను సిబ్బంది పట్టించుకోవడం లేదని ఆరోపణ.

*ప్రజల డిమాండ్:*
జిల్లా ఉన్నతాధికారులు, ఆర్టీసీ ఆర్ఎం వెంటనే స్పందించి పిడుగురాళ్ల డిపో పనితీరుపై విచారణ జరిపి, బస్సులు అన్ని స్టాపుల్లో ఆగేలా, సమయపాలన పాటించేలా చర్యలు తీసుకోవాలని ఎమ్మార్పీఎస్ నాయకురాలు దేవరకొండ సుశీల మాదిగ ( రాష్ట్ర ఉపాధ్యక్షురాలు ) డిమాండ్ చేస్తున్నారు.

వెంకట్ జర్నలిస్ట్ సూర్య