కలచట్ల వైకాపా సర్పంచ్ అభ్యర్థిగా రజనీకాంత్‌రెడ్డి

ప్యాపిలి, మేజర్ న్యూస్: కలచట్ల గ్రామ పంచాయతీ సర్పంచ్ అభ్యర్థిగా వైకాపా తరఫున పోతిరెడ్డి రజనీకాంత్‌రెడ్డి బరిలో నిలవనున్నారు.కలచట్ల మాజీ సర్పంచ్ పోతిరెడ్డి చెన్నమ్మ కుమారుడైన రజనీకాంత్‌రెడ్డి ప్రస్తుతం వైకాపా యువజన విభాగం జిల్లా కమిటీ కార్యదర్శిగా పనిచేస్తున్నారు. తనపై నమ్మకంతో అభ్యర్థిత్వాన్ని ఖరారు చేసిన మాజీ మంత్రి బుగ్గన రాజేంద్రనాథ్‌రెడ్డికి ఆయన కృతజ్ఞతలు తెలిపారు.పంచాయతీ పరిధిలోని ఎర్రగుంట్లపల్లె, ఎస్.రంగాపురం, నల్లబెల్లి గ్రామాల ప్రజలు తనకు మద్దతుగా నిలిచినందుకు ధన్యవాదాలు తెలియజేశారు. అందరినీ కలుపుకొని గ్రామాభివృద్ధికి శాయశక్తులా కృషి చేస్తానని రజనీకాంత్‌రెడ్డి పేర్కొన్నారు.