-డిజిటల్ నైపుణ్యాలతో స్వయం ఉపాధి అవకాశాలను అందిపుచ్చుకోవాలి -ప్రిన్సిపల్ ప్రొఫెసర్ ఎం.ప్రవీణ

పటాన్‌చెరు;డాక్టర్ ఏపీజే అబ్దుల్ కలాం ప్రభుత్వ డిగ్రీ కళాశాలలో బీకాం, బీబీఏ ప్రథమ సంవత్సరం నూతన విద్యార్థులకు సాంస్కృతిక కార్యక్రమాల నడుమ ఘన స్వాగతం పలికారు. కళాశాలలో కామర్స్, మేనేజ్‌మెంట్ విభాగాల సీనియర్ విద్యార్థుల ఆధ్వర్యంలో నిర్వహించిన ఫ్రెషర్స్ డే వేడుకలు ఉత్సాహంగా జరిగాయి.ఈ సందర్భంగా కళాశాల ప్రిన్సిపల్ ప్రొఫెసర్ ఎం. ప్రవీణ, అధ్యాపకులు మాట్లాడుతూ.. నేటి ఆధునిక సాంకేతిక యుగంలో విద్యార్థులు సంప్రదాయ విద్యతోపాటు డిజిటల్ ఆధారిత నైపుణ్యాలను కూడా పెంపొందించుకోవాలని సూచించారు.స్వయం ఉపాధి అవకాశాలను అందిపుచ్చుకోవడంతోపాటు సొంతంగా స్టార్టప్ సంస్థలను ఏర్పాటు చేసే స్థాయికి ఎదగాలని ఆకాంక్షించారు. లక్ష్యంపై స్పష్టతతో,ఇష్టపడి కృషి చేస్తే ఆశించిన ఫలితాలను సాధించవచ్చని తెలిపారు.ఫ్రెషర్స్ డే వేడుకల్లో భాగంగా అధ్యాపకులు, విద్యార్థుల మోటివేషనల్ ప్రసంగాలు, నృత్యాలు, పాటలు, ఫ్యాషన్ వాక్‌తో పాటు వివిధ రకాల పోటీలు నిర్వహించారు. విద్యార్థులు ప్రదర్శించిన సాంస్కృతిక కార్యక్రమాలు అందరినీ ఆకట్టుకున్నాయి. పోటీల్లో ప్రతిభ కనబరిచిన విద్యార్థులకు బహుమతులు ప్రదానం చేశారు.ఈ కార్యక్రమంలో వైస్ ప్రిన్సిపల్ డాక్టర్ పూనంకుమారి, అకాడమిక్ కోఆర్డినేటర్ డాక్టర్ పి. సుజాత, కామర్స్ విభాగాధిపతి షరీఫ్ మియా, డాక్టర్ మంజశ్రీ, డాక్టర్ బేబీ రమణి, కరుణకుమారి, డాక్టర్ వెంకటేశం,కామర్స్ మేనేజ్‌మెంట్ అధ్యాపకులు స్వప్న, సభా కానం, ఉమాదేవి, నందిని, బోధనేతర సిబ్బంది శివరాజు, అరుణ్ కుమార్, రవికుమార్ తదితరులు పాల్గొన్నారు.