నిరుద్యోగ మహిళలకు భరోసా -ఈ నెల 22న పెద్దపల్లిలో మహిళ ‘మెగా జాబ్ మేళా’

సూర్య - పెద్దపల్లి:
నిరుద్యోగ మహిళలను ఆర్థికంగా బలోపేతం చేసి,వారికి ఉపాధి కల్పించడమే లక్ష్యంగా ఈ నెల 22న  పెద్దపల్లి పట్టణంలోని శాంతినగర్ సింధూర ఐటీఐ కాలేజీ క్యాంపస్‌లో భారీ మెగా జాబ్ మేళా నిర్వహిస్తున్నట్లు పెద్దపల్లి జిల్లా బీసీ జేఏసీ చైర్మన్ దాసరి ఉష వెల్లడించారు.సురక్ష మ్యాన్‌పవర్ సర్వీసెస్,ఫిట్ అండ్ ఫ్యూచర్ క్లబ్ సంయుక్త ఆధ్వర్యంలో జరగనున్న ఈ జాబ్ మేళాకు తాను ముఖ్య అతిథిగా హాజరవుతున్నట్లు ఆమె తెలిపారు.ఈ సందర్భంగా దాసరి ఉష మాట్లాడుతూ హైదరాబాద్ కొంగరకలాన్‌లోని ప్రముఖ ఎలక్ట్రానిక్స్ కంపెనీలలో వేలాది ఉద్యోగ అవకాశాలు సిద్ధంగా ఉన్నాయని పేర్కొన్నారు.18 నుండి 45 సంవత్సరాల వయసు కలిగి ఎస్ఎస్‌సీ,ఇంటర్మీడియట్, ఐటీఐ,డిప్లొమా,డిగ్రీ,బీటెక్ పూర్తి చేసిన తెలంగాణ ఆడబిడ్డలందరూ ఈ జాబ్ మేళాకు అర్హులని వివరించారు.ఎంపికైన అభ్యర్థులకు నెలకు రూ.21,851 గ్రాస్ జీతం ఈఎస్ఐ, పీఎఫ్ మినహాయింపుల తర్వాత చేతికి వచ్చే నికర వేతనం రూ.17,650 చెల్లించడంతో పాటు హైదరాబాద్‌లో ఎక్కడి నుండైనా ఉచిత ఏసీ బస్సు సౌకర్యం,పూర్తి భద్రత, మధ్యాహ్నం మరియు రాత్రి రెండు పూటలా ఉచిత భోజన వసతి కల్పిస్తున్నట్లు తెలిపారు.గ్రామీణ ప్రాంతాల్లోని నిరుద్యోగ మహిళలు బృందాలుగా తరలివచ్చి ఈ సువర్ణావకాశాన్ని సద్వినియోగం చేసుకోవాలని దాసరి ఉష పిలుపునిచ్చారు.ఆసక్తి గల అభ్యర్థులు ఉదయం 9 గంటల నుండి సాయంత్రం 5 గంటల మధ్య 9240954734 నంబర్‌కు ఫోన్ చేసి లేదా పోస్టర్‌పై ఉన్న క్యూఆర్ కోడ్‌ను స్కాన్ చేసి ముందస్తు రిజిస్ట్రేషన్ చేసుకోవాలని ఆమె సూచించారు.