క్రమశిక్షణ పట్టుదల తో లక్ష్యాలు సాధించాలి

నేటి దినపత్రిక సూర్య బ్యూరో రాజమహేంద్రవరంవిద్యార్థులు స్పష్టమైన లక్ష్యాలను ఎంచుకుని క్రమశిక్షణ, కృషి, పట్టుదలతో చదివి తల్లిదండ్రులకు, కళాశాలకు మంచి పేరు తీసుకురావాలని ఏలూరు ఎస్.పి.డి.బి.టి. విశ్రాంతి ప్రిన్సిపాల్, సొసైటీ గవర్నింగ్ బాడీ మెంబర్ సి.హెచ్. శ్యాంబాబు అన్నారు. శనివారం స్థానిక ఆనంద్ ఎడ్యుకేషనల్ జూనియర్, వొకేషనల్ కళాశాలలో ప్రిన్సిపాల్ ఎం. విక్రమ్ అధ్యక్షతన ఫ్రెషర్స్ డే వేడుకలు ఘనంగా జరిగాయి.

ఈ సందర్భంగా ముఖ్య అతిథిగా విచ్చేసిన  శ్యాంబాబు మాట్లాడుతూ.. మెట్ట ప్రాంతంలో సామాన్యులకు ఆనంద్ విద్యాసంస్థలు అత్యుత్తమ విద్యను అందిస్తున్నాయని కొనియాడారు. చైర్మన్ డి. మేరీ కమల మాట్లాడుతూ విద్యార్థులు సంస్కారవంతమైన విద్యతో ప్రణాళికాబద్ధంగా ముందుకు సాగాలన్నారు. గత ఏడాది ఇంటర్‌లో తమ కళాశాల 100 శాతం ఉత్తీర్ణత సాధించిందని ప్రిన్సిపాల్ ఎం. విక్రమ్ తెలిపారు. డిగ్రీ కళాశాల ప్రిన్సిపాల్ బి.డి.ఎన్. కుమార్, ఎ.ఓ. డి. ఆనంద్ ప్రసాద్ విద్యార్థులకు దిశానిర్దేశం చేశారు.

అనంతరం ఇంటర్ టాపర్లకు జ్ఞాపికలు అందజేసి అభినందించారు. ముఖ్య అతిథులు శ్యాంబాబు-కృష్ణవేణి దంపతులను, మేరీ కమలను యాజమాన్యం ఘనంగా సత్కరించింది. విద్యార్థుల సాంస్కృతిక కార్యక్రమాలు అలరించాయి. కార్యక్రమంలో అధ్యాపకులు పి. రాము, శ్రీనివాసరావు, స్వరూప, ఉషారాణి, సిబ్బంది, విద్యార్థులు పాల్గొన్నారు.