నశా ముక్త్ భారత్ బ్లాక్ స్థాయి క్రీడలు విజయవంతం

కందుకూరు, మేజర్ న్యూస్ (నవంబర్ 14): మై భారత్ రంగారెడ్డి ఆధ్వర్యంలో కందుకూరు మండలం నేదునూరులోని మోడల్ జూనియర్ కళాశాలలో నశా ముక్త్ భారత్ బ్లాక్ స్థాయి క్రీడా పోటీలు నిర్వహించారు. యువత, విద్యార్థుల్లో మత్తు పదార్థాల వినియోగంపై అవగాహన కల్పించి, ఆరోగ్యకరమైన జీవనశైలిని ప్రోత్సహించడమే కార్యక్రమ ముఖ్య ఉద్దేశమని నిర్వాహకులు తెలిపారు.
ఈ సందర్భంగా వాలీబాల్, కబడ్డీ, షాట్‌పుట్, స్కిప్పింగ్, పరుగు పందెం పోటీలు నిర్వహించి విజేతలకు బహుమతులు, ప్రశంసాపత్రాలు అందజేశారు. ఈ సందర్భంగా డ్రగ్స్, మద్యం వద్దు – క్రీడామైదానం ముద్దు అనే నినాదంతో యువత మత్తుకు దూరంగా ఉండి క్రీడలపై ఆసక్తి పెంచుకోవాలని పిలుపునిచ్చారు.

కార్యక్రమంలో నేదునూరు ఉపసర్పంచ్ నల్లి శ్రీధర్ ముదిరాజ్, మై భారత్ ప్రతినిధులు శ్రీశైలం యాదవ్, తిక్కల మణికుమార్, మాజీ వాలంటీర్ సామ సురేందర్ రెడ్డి, వార్డు సభ్యుడు ప్రవీణ్ యాదవ్, మోడల్ స్కూల్ ఉపాధ్యాయుడు శేఖర్ తదితరులు పాల్గొన్నారు.
టి. శ్రీనివాస్, మేజర్ న్యూస్ కందుకూరు రంగారెడ్డి జిల్లా