రైతు సంఘం జాతీయ మహాసభలను జయప్రదం చేయాలి.......

మద్దూర్ .....నవంబర్ 15 నుండి 18 వరకు జరుగు అఖిల భారత కిసాన్ సభ 36వ జాతీయ మహాసభలను జయప్రదం చేయాలని సిఐటియు సిద్దిపేట జిల్లా ఉపాధ్యక్షులు శెట్టిపల్లి సత్తిరెడ్డి పిలుపునిచ్చారు. శుక్రవారం దూల్మిట్ట మండల కేంద్రంలో హమాలి వర్కర్స్ యూనియన్ సిఐటియు ఆధ్వర్యంలో రైతు మహాసభలను జయప్రదం చేయాలని గోడపత్రికలు ఆవిష్కరణ చేశారు. ఈ సందర్భంగా వారు మాట్లాడుతూ వీర తెలంగాణ రైతాంగ సాయుధ పోరాటంలో కీలక భూమిక పోషించిన నల్లగొండ జిల్లా కేంద్రంలో జరుగుతున్న 36వ జాతీయ రైతు మహాసభలను జయప్రదం చేయాలన్నారు. కేంద్ర ప్రభుత్వం అవలంబిస్తున్న కార్మిక కర్షక రైతు వ్యతిరేక విధానాలపై రైతు సంఘం తోపాటు వివిధ సంఘాలతో ఐక్య పోరాటాలు నిర్వహిస్తున్న అన్నారు. నల్లగొండ జిల్లా కేంద్రంలో జరిగే మహాసభలకు వస్తున్న జాతీయ నాయకులకు స్వాగతం పలుకుతూ బహిరంగ సభలో కార్మికులు కర్షకులు పెద్ద సంఖ్యలో పాల్గొని విజయవంతం చేయాలన్నారు. ఈ కార్యక్రమంలో సిఐటియు మండల కన్వీనర్ పోతిరెడ్డి రాజు, చొప్పరి ప్రసాద్, రమేష్, ప్రభాకర్, దేవులపల్లి మల్లయ్య, కొలిపాక రాజు తదితరులు పాల్గొన్నారు.