సంఘం కే గ్రామంలో ఏళ్ల నాటి డ్రైనేజీ సమస్యకు మోక్షం

ఝ‌రాసంగం;తుమ్మనపల్లి గ్రామపంచాయతీ పరిధిలో గల సంఘం కే గ్రామంలో ఎన్నో ఏళ్లుగా ప్రజలు ఎదుర్కొంటున్న డ్రైనేజీ సమస్యకు ఎట్టకేలకు పరిష్కారం లభించింది.గ్రామంలో సరైన డ్రైనేజీ సౌకర్యం లేకపోవడంతో మురుగునీటి సమస్యతో ప్రజలు తీవ్ర ఇబ్బందులు ఎదుర్కొంటున్నారు. మురికి కాలువల నిర్మాణం చేపట్టి సమస్యను పరిష్కరించాలని గతంలో పలుమార్లు అప్పటి సర్పంచులకు గ్రామస్తులు విన్నవించినప్పటికీ సమస్య పరిష్కారానికి నోచుకోలేదు.ఈ నేపథ్యంలో ప్రస్తుత గ్రామ సర్పంచ్ నాజీ అంజిమ్ షేక్ సోహైల్, ఉపసర్పంచ్ విష్ణు, వార్డు సభ్యులు ప్రత్యేక చొరవ తీసుకుని గ్రామంలో డ్రైనేజీ మురికి కాలువల నిర్మాణ పనులు చేపట్టారు. దీంతో గత కొన్ని సంవత్సరాలుగా పెండింగ్‌లో ఉన్న సమస్యకు పరిష్కారం లభించింది.గ్రామంలో మౌలిక వసతుల కల్పనకు ప్రాధాన్యతనిస్తూ ప్రజలు ఎదుర్కొంటున్న సమస్యను పరిష్కరించడంపై గ్రామస్తులు హర్షం వ్యక్తం చేస్తున్నారు. ఇదే విధంగా గ్రామంలోని ఇతర మౌలిక వసతుల సమస్యలను కూడా గుర్తించి దశలవారీగా పరిష్కరించాలని ప్రజలు కోరుతున్నారు.ఏళ్ల తరబడి పెండింగ్‌లో ఉన్న డ్రైనేజీ సమస్యను పరిష్కరించేందుకు చొరవ తీసుకున్న సర్పంచ్, ఉపసర్పంచ్, వార్డు సభ్యులకు గ్రామ ప్రజలు కృతజ్ఞతలు తెలిపారు.