చట్టాలపై అవగాహన పెంచుకోవాలి, నాగర్ కర్నూలు జిల్లా న్యాయ సేవాధికార సంస్థ సెక్రెటరీ నిహారిక

నాగర్ కర్నూల్ క్రైమ్, సూర్య న్యూస్ : చట్టాలపై అవగాహన పెంచుకున్నప్పుడే సరైన న్యాయం పొందవచ్చు అని జిల్లా న్యాయ సేవాధికార సంస్థ సెక్రెటరీ నిహారిక అన్నారు. జిల్లా న్యాయ సేవ అధికార సంస్థ నాగర్ కర్నూల్  ఆధ్వర్యంలో  జాతీయ న్యాయ సేవల దినోత్సవం పురస్కరించుకుని నిర్వహించే  వారోత్సవాలలో బాగంగా శుక్రవారం మంతటి గ్రామ పంచాయతీ కార్యాలయం  నందు చట్టాల పైన అవగాహన కార్యక్రమం నిర్వహించడం జరిగింది. ఈ సందర్భంగా  మాట్లాడుతూ ప్రతి ఒక్కరు చట్టాల పట్ల కనీస అవగాహన కలిగి ఉండాలి అన్నారు.  ప్రతి ఒక్కరూ అవగాహన కలిగి ఉండడం వల్ల సమాజంలో నేరాలు జరగకుండా అరికట్టవచ్చు అన్నారు.తద్వార  నేర రహిత సమాజాన్ని నిర్మించవచ్చు అన్నారు. . సైబర్  క్రైమ్ మరియు  మోటార్ వెహికల్ ఆక్ట్  ,పోక్సో చట్టం గురించి వివరించారు.ఎవరైనా న్యాయ వాదిని పెట్టుకునే స్తోమత లేని వారికి మా సంస్థ తరుపున ఉచితంగా న్యాయవాదిని నియమిస్తాం అన్నారు. ఎవరికైనా ఉచిత న్యాయ సలహాలు కావాలంటే 15100 టోల్ ఫ్రీ నెంబర్ కు ఫోన్ చేసి ఉచిత న్యాయ సహాయం పొందవచ్చని అన్నారు. 
----