గ్రంథాలయాలు విజ్ఞాన కేంద్రాలు మున్సిపల్ కమిషనర్ ఇనమల చిన్నబాబు

బుచ్చిరెడ్డిపాలెం, మేజర్ న్యూస్ :  గ్రంథాలయాలు విజ్ఞాన కేంద్రాలని, సమాజాభివృద్ధికి పునాదులని వాటిని సమాజానికి చేరువ చేయాలనే సంకల్పంతోనే గ్రంథాలయ వారోత్సవాలు నిర్వహిస్తున్నామని మున్సిపల్ కమీషనర్ ఇనమల చిన్నబాబు పేర్కొన్నారు. బుచ్చిరెడ్డిపాలెం పురపాలక సంఘ శాఖా గ్రంథాలయంలో శుక్రవారం ఆయన 59 గ్రంథాలయ  వారోత్సవాల పోస్టర్ ను ఆవిష్కరించారు. ఈ సందర్భంగా ఆయన మాట్లాడుతూ ఈనెల 14న బాలల దినోత్సవం, 15న పుస్తక ప్రదర్శన, 16న గ్రంథాలయ ఉద్యమ నేతల స్మరణ, 17న కవి సమ్మేళనం, సెమినార్, 18న విద్యార్థులకు పలు రకాల పోటీలు 19న మహిళా దినోత్సవం, 20న బహుమతి ప్రధానోత్సవంతో ఈ వారోత్సవ కార్యక్రమం ముగుస్తుందన్నారు. విజ్ఞానానికి, విలువలకు, వివేకానికి, విచక్షణకు తోడ్పడే ఈ గ్రంథాలయ వారోత్సవాలలో ప్రతి ఒక్కరూ పాల్గొని విజయవంతం చేయాలని కమీషనర్ పిలుపునిచ్చారు.ఈ కార్యక్రమంలో గ్రంథాలయ రత్న గండికోట సుధీర్ కుమార్, గ్రంథ పాలకులు అల్లాడి నరసింహారావు, సిఓ నర్మద, ఆర్ ఐ హనుమ ప్రకాష్ లు పాల్గొన్నారు