విద్యార్థులు చదువుకొని ఉన్నత శిఖరాలు అధిరోహించాలి -జడ్జి నిహారిక

నాగర్ కర్నూల్ క్రైమ్ సూర్య న్యూస్ : విద్యార్థులు చదువుకొని జీవితంలో ఉన్నత శిఖరాలను అధిరోహించాలని జిల్లా న్యాయ సేవాధికార సంస్థ సెక్రటరీ, న్యాయమూర్తి  నిహారిక అన్నారు.  జిల్లా న్యాయ సేవా అదికార సంస్థ  ఆధ్వర్యంలో నాగర్ కర్నూల్ పట్టణంలోని జిల్లా పరిషత్ ఉన్నత పాఠశాల బాలికలు నందు చిల్డ్రన్స్ డే కార్యక్రమం నిర్వహించారు. ఈ సందర్భంగా న్యాయమూర్తి  మాట్లాడుతూ భారతదేశంలో ప్రతి సంవత్సరం నవంబర్ 14న జవహర్‌లాల్ నెహ్రూ జన్మదినాన్ని పురస్కరించుకుని బాలల దినోత్సవం జరుపుకుంటారని  అన్నారు. పిల్లలే దేశ భవిష్యత్తు .పిల్లల ప్రాథమిక హక్కులు, విద్య, పోషకాహారం, వారి రక్షణ గురించి సమాజంలో అవగాహన పెంచడం  ప్రధాన ఉద్దేశమని అన్నారు.  డిస్ట్రిక్ట్ లీగల్ సర్వీసెస్ అథారిటీ నాగర్ కర్నూల్ తరుపున ప్రాథమిక పాఠశాల , ఉన్నత పాఠశాల విద్యార్థులకు  వ్యాస రచన మరియు డ్రాయింగ్ పోటీలు నిర్వహించి,పోటీలలో ప్రతిభ కనబర్చిన వారికి బహుమతులు అందజేయడం జరిగింది. 
----