ధాన్యం కొనుగోలు కేంద్రాలలో దళారీ దందా....
మద్దూర్ ..…మద్దూరు మండలంలోని ఆయా గ్రామాలలో అధికారులు ప్రజాప్రతినిధులు ఆర్భాటంగా ధాన్యం కొనుగోలు కేంద్రాలు ప్రారంభించి గాలికి వదిలేసారు. దీంతో దళారీలు నేరుగా అధికారులు ప్రజాప్రతినిధులు ప్రారంభించిన ధాన్యం కొనుగోలు కేంద్రాలలోనే ధాన్యం సేకరిస్తూ కాంటాలు నిర్వహిస్తున్నారు. ధాన్యం కొనుగోలు కేంద్రాలు ప్రారంభించి రోజులు గడిస్తున్న ఇప్పటివరకు కొనుగోలు ప్రారంభించకపోవడంతో కొనుగోలు కేంద్రానికి తీసుకువచ్చిన ధాన్యం విక్రయం కాకపోవడంతో రైతుల తీవ్ర ఇబ్బందులు ఎదుర్కొంటూ దళారీలను ఆశ్రయించాల్సిన పరిస్థితులు ఏర్పడ్డాయి. కొనుగోలు కేంద్రాలు ప్రారంభించే సమయంలో ప్రజా ప్రతినిధులు అధికారులు దళారులను ఆశ్రయించి రైతు మోసపోకూడదని ప్రభుత్వం కల్పించే మద్దతు ధరకు కొనుగోలు కేంద్రాలలోని ధాన్యాన్ని విక్రయించే లబ్ధి పొందాలని నీతి వ్యాఖ్యలు చేసి చేతులు దులుపుకున్నారు. ఇదే అదునుగా చేసుకొని దళారీలు రైతుల నుండి తక్కువ ధరలకు ధాన్యాన్ని సేకరించి మూడు పువ్వులు ఆరు కాయలుగా రైతుల నుంచి ధాన్యాన్ని దండుకుంటూ లాభాలు పొందుతున్నారని వివిధ గ్రామాల పలువురు రైతులు ఆరోపిస్తున్నారు. కొనుగోలు కేంద్రాలు ప్రారంభించాలని కలిగిన ఆర్భాటం ధాన్యాన్ని కూడా సేకరించాలని విషయంలో కూడా అంత ఆర్భాటం ఎందుకు లేదని వివిధ గ్రామాల రైతులు మండిపడుతున్నారు. నేరుగా ధాన్యం కొనుగోలు కేంద్రాలలోకి ప్రైవేట్ దళారులు ప్రైవేట్ వాహనాలతో వచ్చి కాంటలు నిర్వహిస్తూ కొనుగోలు చేస్తున్న అధికారులు చోద్యం చూస్తూ తమకేం పట్టనట్టుగా నిర్లక్ష్యం వహిస్తున్నారు. ఇప్పటికైనా అధికారులు స్పందించి ప్రారంభించిన కొనుగోలు కేంద్రాలలో రైతులు తీసుకొచ్చిన ధాన్యాన్ని కొనుగోలు చేసి రైతాంగాని ఆదుకోవాలని వివిధ గ్రామాల రైతులు కోరుతున్నారు.
