రెండో విడతలో ఓర్వకల్లు మండల పంచాయతీ ఎన్నికలు! **16న నోటిఫికేషన్.. 18 నుంచి 20 వరకు నామినేషన్లు.. 29న పోలింగ్, ఓట్ల లెక్కింపు**

రెండో విడతలో ఓర్వకల్లు మండల పంచాయతీ ఎన్నికలు!

**16న నోటిఫికేషన్.. 18 నుంచి 20 వరకు నామినేషన్లు.. 29న పోలింగ్, ఓట్ల లెక్కింపు**

**ఓర్వకల్లు మేజర్ న్యూస్:**

మండలంలో గ్రామ పంచాయతీ ఎన్నికలను రెండో విడతలో నిర్వహించనున్నట్లు ఎంపీడీవో నాగ అనసూయ శుక్రవారం తెలిపారు. సర్పంచ్, వార్డు సభ్యుల స్థానాలకు సంబంధించి ఎన్నికల షెడ్యూల్ వివరాలను వెల్లడించారు.

ఈ నెల 16న నోటిఫికేషన్ విడుదల కానుండగా, 18 నుంచి 20వ తేదీ వరకు మూడు రోజులపాటు నామినేషన్లు స్వీకరించనున్నారు. 21న నామినేషన్ల పరిశీలన, 22న అప్పీళ్ల స్వీకరణ, 23న అప్పీళ్ల పరిష్కారం, 24న నామినేషన్ల ఉపసంహరణతో పాటు అభ్యర్థులకు గుర్తుల కేటాయింపు ఉంటుందని వివరించారు. ఈ నెల 29న పోలింగ్ నిర్వహించి, అదే రోజు ఓట్ల లెక్కింపు చేపట్టనున్నట్లు తెలిపారు.

**8 కేంద్రాల్లో నామినేషన్ల స్వీకరణ**

మండలంలోని గ్రామ పంచాయతీలను 8 క్లస్టర్లుగా విభజించి, ఆయా కేంద్రాల్లో నామినేషన్ల స్వీకరణకు ఏర్పాట్లు చేసినట్లు ఎంపీడీవో పేర్కొన్నారు. కేంద్రాల వారీగా గ్రామాల వివరాలు ఇలా ఉన్నాయి.

1. **ఓర్వకల్లు:** ఓర్వకల్లు, కన్నమడకల, ఎన్.కొంతలపాడు, గుట్టపాడు.
2. **నన్నూరు:** నన్నూరు, మీదివేముల.
3. **పూడిచెర్ల:** పూడిచెర్ల, కేతవరం.
4. **లొద్దిపల్లె:** లొద్దిపల్లె, బొడ్డువానిపల్లె.
5. **ఉయ్యాలవాడ:** ఉప్పలపాడు, ఉయ్యాలవాడ.
6. **హుస్సేనాపురం:** హుస్సేనాపురం, కాల్వ, గుడుంబాయి తండా.
7. **శకునాల:** శకునాల, తిప్పాయపల్లి, బ్రాహ్మణపల్లి.
8. **సోమయాజులపల్లి:** సోమయాజులపల్లి, కొమరోలు, చింతలపల్లి, పాలకొలను.

అభ్యర్థులు తమ గ్రామ పంచాయతీకి కేటాయించిన కేంద్రంలోనే సర్పంచ్, వార్డు సభ్యుల స్థానాలకు నామినేషన్లు దాఖలు చేయాలని ఎంపీడీవో నాగ అనసూయ సూచించారు.