తన గెలుపుకు కృషి చేసిన ప్రతి ఒక్కరికి కృతజ్ఞతలు.. చాందిని మసీద్ లో ముస్లిం, మైనార్టీలతో కలయిక.. దువా చేసిన మేయర్ రమేష్ గౌడ్

అనంతపురం ప్రతినిధి మేజర్ న్యూస్:-స్థానిక సంస్థల ఎన్నికల్లో వైయస్సార్ కాంగ్రెస్ పార్టీ మేయర్ అభ్యర్థిగా తన గెలుపుకు కృషి చేసిన ప్రతి ఒక్కరికీ అనంతపురం నగర మేయర్ రమేష్ గౌడ్ కృతజ్ఞతలు తెలిపారు. శుక్రవారం నగరంలోని మూడవ రోడ్డులో ఉన్న చాందిని మసీదులో ముస్లిం, మైనార్టీలతో కలిసి మేయర్ రమేష్ గౌడ్ దువా చేశారు. ఈ సందర్భంగా ముస్లిం మైనార్టీలను అలింగనం చేసుకుని వారిని అభినందించారు. ఎన్నికల్లో వారు చేసిన సహకారానికి, విశ్వాసానికి కృతజ్ఞతలు తెలిపారు. అన్ని వర్గాల ప్రజల సహకారంతోనే గెలుపు సాధ్యమైందని మేయర్ రమేష్ గౌడ్ పేర్కొన్నారు. ముస్లిం మైనార్టీలతో పాటు అన్ని సంఘాల వారు పార్టీకి అందించిన మద్దతును గుర్తుంచుకుంటానని తెలియజేశారు. భవిష్యత్తులో అన్ని వర్గాల సంక్షేమానికి ప్రాధాన్యం ఇస్తానని, నగర అభివృద్ధికి అందరి సహకారం అవసరమని విశ్వాసం వ్యక్తం చేశారు. ఈ కార్యక్రమంలో మార్కెట్ యార్డ్ మాజీ చైర్మన్ ఏకేఎస్ ఫయాజ్, మాజీ కార్పొరేటర్లు ఇషాక్, అశోక్ రెడ్డి, ముస్లిం, మైనార్టీలు హిద్దు, షకీల్, సవిద్, జిలాన్, ఫయాజ్, ఆరిఫ్, కరీం, హేమంత్, సాయి తదితరులు పాల్గొన్నారు.

 మల్లికార్జున నేటి దినపత్రిక సూర్య స్టాఫ్ రిపోర్టర్..