స్థానిక సమరానికి జనసేన కసరత్తు. ఉదయగిరినియోజకవర్గంలో మండలాల వారీగా నేతల సన్నాహాలు.
వింజమూరు, మేజర్ న్యూస్ : ఉదయగిరి నియోజకవర్గంలో స్థానిక సంస్థల ఎన్నికల సమరానికి జనసేన పార్టీ కసరత్తు ముమ్మరం చేస్తోందనీ నియోజకవర్గంలోని అన్ని మండలాల్లో పార్టీ నియోజకవర్గ సమన్వయకర్త భోగినేని కాశీ రావు తెలిపారు శుక్రవారం స్థానిక జనసేన పార్టీ కార్యాలయంలో జరిగిన కార్యక్రమంలో ఆయన మాట్లాడుతూనాయకులు, కార్యకర్తలను సమన్వయం చేసుకుంటూ ఎన్నికలకు సన్నద్ధమవుతున్నట్లు ఆయన తెలిపారు.ఈ సందర్భంగా ఆయన మాట్లాడుతూ స్థానిక సంస్థల ఎన్నికల్లో జనసేన పార్టీ బలమైన ప్రాతినిధ్యం సాధించే దిశగా ప్రణాళికాబద్ధంగా ముందుకు సాగుతున్నామని చెప్పారు. మండలాల వారీగా పార్టీ పరిస్థితి, బలాబలాలు, అభ్యర్థుల ఎంపిక తదితర అంశాలపై నాయకులతో చర్చలు జరుపుతున్నట్లు తెలిపారు.గ్రామస్థాయిలో పార్టీని మరింత బలోపేతం చేయడంతో పాటు ప్రజలకు అందుబాటులో ఉండే నాయకులను గుర్తించి ఎన్నికల బరిలో నిలిపేందుకు కసరత్తు చేస్తున్నామని పేర్కొన్నారు. జనసేన అధినేత పవన్ కల్యాణ్ ఆశయాలు, పార్టీ సిద్ధాంతాలను ప్రజల్లోకి తీసుకెళ్లి స్థానిక సమస్యల పరిష్కారానికి కృషి చేస్తామని బోగినేని కాసిరావు తెలిపారు.నియోజకవర్గంలోని అన్ని మండలాల జనసేన నాయకులు సమన్వయంతో పనిచేసి స్థానిక సమరంలో పార్టీ సత్తా చాటేందుకు సిద్ధంగా ఉన్నారని ఆయన స్పష్టం చేశారు.ఈ కార్యక్రమంలో మాజీ మండల అధ్యక్షులు సత్యనారాయణ, ఇమ్రాన్, వెంకీ, సురేష్, రామూర్తి, తదితర జనసేన నాయుకులు పాల్గొన్నారు.
