108 అంబులెన్సీలను ఆకస్మికంగా తనిఖీ చేసిన అధికారులు

 జిన్నారం;జిన్నారం, గుమ్మడిదల ఉమ్మడి మండలాల్లో 108 అంబులెన్సీలను శుక్రవారం అధికారులు ఆకస్మికంగా తనిఖీ చేశారు. సంగారెడ్డి క్లస్టర్ ప్రోగ్రాం మేనేజర్ సామ్రాట్, జిల్లా మేనేజర్ మెరుగు నరేష్ యాదవ్ ఆధ్వర్యంలో సీఎఫ్‌డబ్ల్యూ హెల్త్ కమిషనర్ విభాగం అధికారులు తనిఖీలు నిర్వహించారు. ఈ సందర్భంగా అంబులెన్సీల్లోని రికార్డులు, వైద్య పరికరాలు, మందుల నిల్వలను క్షుణ్ణంగా పరిశీలించారు. అత్యవసర పరిస్థితుల్లో ప్రజలకు నిరంతరాయంగా మెరుగైన వైద్య సేవలు అందించాలని, అంబులెన్సీలను ఎల్లప్పుడూ అందుబాటులో ఉంచుకోవాలని సిబ్బందికి సూచించారు. కార్యక్రమంలో అంబులెన్స్ పైలెట్లు ,సిబ్బంది ఉన్నారు.